Uşaqlar arasında yayılan streptokok infeksiyası nədir? - Pediatr zərərlərindən danışdı

Ölkə.Az xəbər verir ki, bunu pediatr Aytən İsmayılzadə deyib. O, sözügedən infeksiyanın əlamətlərindən də söz açıb:

“Son vaxtlar bizdə də Strep A-antigen testi pozitiv çıxır. Ona görə də boğaz ağrısı, hərarət ilə hələn uşaqlarda elə ilk gündən bu test edilməlidir. Test boğazdan götürülən yaxma ilə aparılır. Cavab tez zamanda hazır olur. Qiyməti də baha deyil”.

A.İsmayılzadə həmçinin söyləyib ki, vaxtında tədbir görmək üçün bu testlərin poliklinikalara da verilməsi işləri asanlaşdıra bilər.
“A qrup betta - hemolitik streptokok bakteriyadır, virus deyil (Streptococcus pyogenes.). Revmatizm, skarlatina törədən mikrobdur. Ürəyi, böyrəyi zədələyə bilir. Mikrob olduğu üçün antibiotiklə müalicə olunur.

Əgər nəticə pozitiv olarsa, müalicə vaxtında təyin olunsa da, ürək Exo-kq olunmalıdır ( qapaq zədələnməsinə görə).

Qətiyyən boğaz ağrısı, angina vaxtı badamcıqları basmaq, bərk silmək olmaz. Çünki bu, mikrobun qana keçməsini sürətləndirər. Deyə bilərsiniz ki, "mən yumşaq silirəm", lakin əzərə almaq lazımdır ki, iltihablı toxuma tez dağıla bilən, qanayan olur” ,- deyə o əlavə edib.

Billurə Yunus