Çox yuxu arıqlamağımıza necə təsir edir?- Mütəxəssisdən XƏBƏRDARLIQ

Ölkə.Az “CNN türk”ə istinadla xəbər verir ki, bu barədə dietoloq Elif Bilgin Baş məlumat verib. 

O bildirib ki, pəhriz və idman düzgün yuxu vərdişləri ilə dəstəkləndikdə arıqlama prosesi daha səmərəli şəkildə irəliləyir:

“Yuxu vaxtının çox və ya az olması yemək saatlarında böyük rol oynadığına görə arıqlama prosesinə də təsir edir. Az yatmağın gün ərzində verdiyi stress və yorğunluq enerji düşməsinə səbəb olduğundan zərərli qidalara yönəlməyə səbəb ola bilir. Çox yatdığınız zaman səhər yeməyi ümumiyyətlə yeyilmir. Çünki, gün gec başlayacaq, bu da növbəti yeməyə qədər uzun müddət aclığa səbəb ola bilər ki,qidaların böyük porsiyalarla istehlak edilməsinə səbəb ola bilər. Hər iki vəziyyət kilo vermə prosesinə mənfi təsir göstərir”.

Mütəxəssisin sözlərinə görə, beynimizə yeməyi dayandırmaq üçün toxluq siqnalı göndərən hormon leptindir:

“Leptin gecələr daha az ifraz olunan hormondur. Leptin hormonuna qarşı işləyən, yəni bizə aclıq hissi yaradan hormon qrelin hormonudur. Bu səbəbdən gecə oyaq qaldığımız zaman qrelin hormonu daha çox, leptin hormonu isə daha az ifraz olunur. Bu da yemək hissini tətikləyir və kökəlməyə səbəb olur”,- deyə o əlavə edib.