VALİDEYNLƏRİN DİQQƏTİNƏ: Bu qidalar erkən cinsi inkişafa səbəb olur…

Son illər uşaqlarda erkən cinsi inkişaf problemi artıb. Bu problemlə bağlı həkimə müraciət edənlər çoxalıb. Həm qız, həm də oğlan uşaqlarında vaxtından əvvəl meydana gəlmiş cinsi inkişaf dövrünü sürətləndirən müəyyən səbəblər var.

Tribunainfo.az yazır ki, həkim endokrinoloqların məlumatına görə, bu, müasir dövrdə uşaqlarda meydana gələn əsas problemlərdəndir. İrsi faktorlar və ətraf çirkliliyindən əlavə erkən cinsi inkişafı sürətləndirən əsas səbəb qidalardır.

Həkimlərin məlumatına görə, broyler toyuqları, kolbasa, sosis, bildirçin yumurtası, çiyələk, mövsümü olmayan meyvələr, konserv məhsulları, mağaza şirniyyatları, şokaladlar erkən cinsi inkişafı sürətləndirən qidalardır. Erkən cinsi inkişaf uşaqlarda boy geriliyi, tüklənmə, kökəlmə, şəkərli diabet kimi xəstəliklərin yaranmasına səbəb ola bilir.

Endokrinoloqlar bildirir ki, uşaqlarda erkən cinsi inkişafın əlamətlərini müşahidə edən valideynlər buna laqeyd yanaşmamalı, vaxt itirmədən müayinələrdən keçib problemin qarşısını almalıdırlar.