Uşağın qulağından çirk gəlirsə, bunu etmək olmaz - FOTO

Ölkə.Az xəbər verir ki, bunu pediatr Aytən İsmayılzadə deyib. O bildirib ki, qulaq sadəcə başımıza birləşən üzəri dəri ilə örtülmüş əyri-üyrü qığırdaq parçası deyil:

"Qulaq başımızın içinə qədər davam edir. Başımızın içindəki daxili qulaqdır. Ona qədər olan hissələr isə xarici (gözlə gördüyümüz) və orta qulaq adlanır. Həmin orta qulağı qulaq pərdəsi örtür. Biz otoskop ilə baxanda həmin pərdənin vəziyyətinə görə orta qulağın vəziyəti haqda ehtimal irəli sürürük. Məsələn, pərdə gərgindirmi, qabarıqdırmı, şəffafdır yoxsa sarıdır, qan varmı və s.

Orta qulağı bir otaq kimi təsəvvür edin. Bu otağın bir pəncərəsi də var ki, yesvtax borusuna açılır, həmin boru da gəlir burun-udlağa çıxır. Yəni ki, burunda ya boğazda iltihab varsa, burdakı mikroblar orta qulağa rahatlıqla gedə bilər və orda öz bildiyini edə bilər".

Mütəxəssisin sözlərinə görə, valideynlər uşağın qulağından çirk gəldiyini gördükləri zaman qulağa hər hansı bir damcı tökməməlidir:

"Gələn irin orta qulaqdan pərdənin dəlinməsi hesabına çıxa bilər. Pərdənin çox və ya az deşildiyini lor həkim endoskopik olaraq baxaraq təyin edir. Pediatrın otoskopla baxmağı kifayət etmir. Əgər qulaq ağrısı varsa və hələ irin axıntısı yoxdursa, yəni proses yüngüldürsə, keçə bilər. Amma damcı tökməklə pərdə deşilmir. Pərdə onun arxasında yığılan irinin təzyiqi və yeyici təsiri hesabına deşilə bilər. Adi qulaq damcısı ilə keçməyən otit zamanı həkim antibiotik təyin edir. Ona görə ki, burada pərdənin zədələnməsi onun zəifləməsi deməkdir. Biz səsləri qulaq pərdəsinin ehtizaza gələrək səs dalğalarını ötürməsi hesabına eşidirik. Əgər pərdə hər dəfə iltihab zamanı özbaşına sağalarsa qalınlaşar, çapıqlaşar və ehtizaza gəlməyi çətinləşər. Beləliklə, ağır eşitmə yarana bilər".

Billurə