Revmatizm uşaq xəstəliyidir, yaşlılarda olan isə... - Həkim

Ölkə.Az xəbər verir ki, bu sözləri pediatr Aytən İsmayılzadə deyib. O, revmatizmin əlamətlərini belə sadalyıb:

“Təəsüf ki, miflər nəsildən - nəslə keçməkdədir. Yaxın günlərdə qəbulumda olan 12 yaşlı qız da "revmatizmam var" deyib sözə başladı.
Revmatizm baş verməsi üçün uşağın irinli angina (boğazgəlmə) ya skarlatina olması lazımdır. Bu anginadan sonra (2-4 hefte) oynaqların (əsasən diz) şişməsi, qızarması, dəridə səpkilər, ürək əzələsində iltihab (miokardit), ürək qapaqlarında iltihab (endokardit) baş verir, dəridə səpkilər olur, böyrək də prosesə qoşula bilər. Sidikdə qan, zülal çoxluğu aşkar edilə bilər. Beyin tərəfdən də əlamətlər olur. Çiyin atma, göz vurma kimi hərəkətlər xəstəlik zamanı beyin hüceyrələrinin iltihaba məruz qalması nəticəsində olur və “xoreya” adlanır. Əgər nə vaxtsa uşağın bu əlamətlərini görməmisinizsə, amma boğaz infeksiyası və ya skarlatina keçirdiyini bilirsinizsə, o zaman keçmişdə nəzarətsiz qalmış bir revmatizm olmasını bilmək üçün ürəyi Exo-kq etdirin. Həyati cəhətdən bu daha lazımdır nəinki boş analizlər.
Məktəbə, idmana hazırlıq üçün bu müayinə məsləhətlidir”.

Həkimin sözlərinə görə, uşaq tez-tez angina olursa və valideyn revmatizm riskindən qorxursa, onda əsnəkdən yaxma verib həmin mikrobun hansı olduğunu öyrənmək lazımdır:

“A qrupundan olan betta hemolitik streptokok deyilsə, narahat olmayın. Odursa, bu zaman Exo-kq edirik. Ürək qapağında da zədələnmə varsa, revmatoloq tərəfindən revmatizm profilaktikası üçün müalicə aparılır. 

Revmatizm elə uşaq xəstəliyidir. Adətən, 5-15 yaş arası ola bilir. 50 yaşlı birinin revmatizmi yoxlatmaq istəyi doğru deyil. O sadəcə uşaq vaxtı keçirdiyi revmatizmin fəsadı - ürək qüsuru haqda düşünə bilər. Hazırda revmatizm xəstəliyi "kəskin revmatik qızdırma" kimi adlanır. Bunu bilməyiniz internetdə əlamətləri axtarmaq üçün lazım ola bilər”.

Billurə