Bu qidalar məktəblilərin diqqətinə və yaddaşına kömək edəcək - SİYAHI
Mətn ölçüsü:
  • 100%

Bu qidalar məktəblilərin diqqətinə və yaddaşına kömək edəcək - SİYAHI

Məktəblərin açılması ilə uşaqlar 3 aylıq yay tətilindən sonra tədrisə başladılar. Uzumüddətli fasilədən qayıdan uşaqların diqqətini dərslərə verməsi təbii ki, o qədər asan olmur.

Bəs, bu dövrdə uşaqlarda zehni aydınlığı təmin edəcək qidalar hansılardır? 

Ölkə.Az xəbər verir ki, tətil günlərində yemək-içmək vərdişləri pozulan uşaqlar qeyri-kafi və balanssız bəslənmə səbəbiylə dərslərinə konsentrə olmaqda çətinlik çəkə bilərlər.

Bir çox araşdırmanın nəticələrinə görə, xüsusilə məktəb yaşlı uşaqların böyüməsi, inkişafı və məktəb uğurlarının qidalanma ilə əlaqəli olduğu sübuta yetirilib.

Bu səbəbdən uşaqların qida rasionuna zehni gücləndirən qidaların daxil edilməsi çox vacibdir. Mütəxəssislərin bunun üçün tövsiyə etdiyi qidaların siyahısını təqdim edirik:

Yumurta - Çox yaxşı bir zülal qaynağı olan yumurta sarısında olan xolinlə yaddaş inkişafını dəstəkləyir, eyni zamanda tərkibindəki A, D və B qrupu vitaminləri sayəsində yaddaşı gücləndirir.

Balıq - Beyin inkişafı və funksiyası üçün fundamental əhəmiyyət kəsb edən DHA və EPA omeqa-3 yağ turşularını ehtiva edən yağlı balıqlar xüsusilə uşaqların beyin inkişafı üçün çox əhəmiyyətli qidadır. Uşağınızın beynini koqnitiv zəifləmə və yaddaş itkisinə qarşı qorumaq üçün yaxşı bir D vitamini qaynağı olan balıqları, xüsusilə qızılbalıq, ton balığı və sardina kimi tərkibində Omeqa-3 olan balıqları yedirməyiniz tövsiyə olunur.

Quru meyvələr və yağlı toxumlar - Tərkibindəki omeqa-3, omeqa-6, maqnezium və sink sayəsində beyin inkişafında və yaddaşın gücləndirilməsində mühüm rol oynayan badam, fındıq, qoz və fıstıq kimi yağlı toxumlar həm də uşaqların sinir sistemini “xoşbəxt” edən qidalar arasındadır.

Bulqur və yulaf kimi taxıllar - Xüsusilə sinir sistemi üçün faydalı olan bol lif və B qrupu vitaminləri var. Kalium və sinklə zəngin olan bu taxıllar həm də zəngin enerji mənbəyidir, beyin inkişafına kömək edir və konsentrasiya çatışmazlığına faydalıdır.

Paxlakimilər – Tam bir lif qaynağı olan paxlakimilər ( lobya, paxla, noxud, soya, mərcimək) tərkibindəki bol vitamin və minerallar sayəsində uşaqların günortadan sonra, xüsusilə naharda istehlak edildikdə konsentrasiyalarını qorumağa kömək edir.

Çiyələk, qaragilə, böyürtkən, qırmızı qarağat - Tünd və ya qırmızı meyvə qrupuna daxil olan çiyələk, qaragilə, böyürtkən və qarağat yüksək miqdarda antioksidant ehtiva etməklə yanaşı, A və C vitaminləri ilə də zəngindir. Araşdırmalar bu meyvələrin yaddaşı gücləndirdiyini üzə çıxıb.

Sarıkök -  Tərkibindəki kurkumin piqmenti sayəsində beynin inkişafına töhfə verən sarıkök uşaq şorbalarına, salatlarına və tərəvəz yeməklərinə istənilən miqdarda əlavə edilə bilər.

Mənbə: yasemin.com

Billurə