Saçı sağlam uzatmağın yolları

Saçlarımız şəxsiyyətimizin ifadəsi ola bilər. Buna görə də saçlarımıza yaxşı qulluq etmək vacibdir.

Ölkə.Az Türkiyə mediasına istinadən xəbər verir ki, sosial mediada Karli kimi tanınan mütəxəssis bununla bağlı bəzi tövsiyələr verib.

Onun ilk məsləhəti mümkün olduqca quru şampundan qaçmaqdır. 

"Saçlarınız yağlı görünəndə və ya bir az həcm əlavə etmək istədiyinizdə quru şampuna müraciət etməyinizi anlayıram. Lakin quru şampundan tez-tez və çox istifadə saç köklərini nəfəs almağa qoymur. Bu həddindən artıq saç tökülməsinə səbəb ola bilər. Saç kökləriniz tıxandıqda düzgün qidalana bilmirlər. Bu da saçlarınızın düzgün uzanmamağına səbəb olur.

Həll kimi ən azı həftədə bir dəfə saç dərinizin pH-nı (Hidrogen göstəricisi) tarazlanmalıdır. Bunu saf alma sirkəsini saç dərisinə vuraraq etmək olar. 15 dəqiqə gözlədikdən sonra yaxalamaq kifayətdir. Bu pH səviyyənizin balanslı olmasını təmin edəcək. Baş dəriniz balanslı olduqda həddindən artıq yağlanma problemi yaşamayacaqsınız.

Saçınıza baxım yağı vuran kimi qurulamayın. Bizim bir çoxumuz bunu etsə də, əslində, bu üsul saçları zədələyir.

Nəhayət, saçlarınızın uclarını şampunla yumaqdan çəkinin. Şampun baş dərisi üçün, balzam isə saç ucları üçün nəzərdə tutulmuş məhsuldur.

Şampunu saç uclarına qədər vurmaq saçlarınızdakı təbii qidalandırıcı maddələri yox edəcək və qurudacaq".

Günay