Çörəyin bədənimizə verdiyi zərərlər – Zədələyir, qocaldır və…
Hər gün süfrənizə gələn bəzi qidalar tərkibindəki vitamin və minerallar sayəsində sürətli qocalmağa səbəb ola bilər. Çörək və karbohidratlar bu yaşlanan qidalar arasındadır.
Ölkə.Az sürətli qocalmağa səbəb olan çörəyin orqanizmə zərərli təsirlərini təqdim edir.
Son zamanlar sağlam həyat tərzinə əhəmiyyət verən bir çox insan çörək yeməyi dayandırıb. Eyni zamanda, karbohidratsız pəhrizlər əvvəlkindən daha populyardır.
Sağlam olmayan qidalardan istifadəni dayandıran insanların həyatında hansı dəyişikliklərin baş verdiyi maraq doğurur.
Çörək yeməyi dayandırdığınız zaman bir çox müsbət nəticələr əldə edəcəksiniz. Çörək yeməyən insanların dərisi daha sağlam olur, daha asan arıqlayır və daha enerjili olur. Gəlin çörəyin bədəninizə təsirlərinə nəzər salaq.
Ağ və qara çörək
Tam buğda çörəyi, çovdar və ya tam buğda unundan hazırlanmış çörək tamamilə sağlamdır. Ancaq ağ çörəyə gəlincə, nəticələr o qədər də yaxşı deyil.
20-ci əsrdə un və maya dəyişdi, enerji tutumlu maddələr və əlavələr ilə əvəz olunduqdan sonra vəziyyət tamamilə dəyişdi.
Dəri sızanaqları adətən çörəyin tərkibində olan qlütendən yaranır. Bədən özü xaric edə bilmir, buna görə də bağırsağın zədələnməsinə səbəb olur.
Qlüten yuxarıda qeyd etdiyimiz kimi, müxtəlif həzm problemlərinə səbəb ola bilər. Tam taxıl çörəyi tərkibində mühüm element olan lif olsa da, un məhsullarında bu, yoxdur. Gündə 5-6 dilim tam taxıl çörəyi gündəlik normanı yerinə yetirmək üçün kifayət qədər lif təmin edir. Əgər meyvə-tərəvəz yeməklə bu normaya çatmaq istəyirsinizsə, o zaman 14 alma, 21 kök, 25 pomidor və ya təxminən 5 xiyar yeməlisiniz.
Erkən qocalma
Ağ çörək tərkibində faydalı maddələr olmayan bir məhsuldur. Vitaminsiz qidalar yemək orqanizmimizin cavan qalmasını qeyri-mümkün edir. Bu səbəbdən zərif un məhsullarını sevənlər əslində olduğundan daha yaşlı görünürlər.
Piylənməyə səbəb olur
Çörək yeməyi dayandıran insanların 70%-dən çoxu ilk 2 həftə ərzində arıqlayır. Orta dilim çörəyin tərkibində 0,6 qram lif var və digər maddələr bədən yağına çevrilir. Çörəyin glisemik indeksi şokoladdan da yüksəkdir. Xəmir məmulatlarında olan nişasta həzm sistemində parçalanır və qana daxil olan qlükozaya çevrilir. Bu o deməkdir ki, qısa müddətdə aclıq hissi yaradacaq.
Mürtəza
Ölkə.Az
