Pandemiya qızılcanın artmasına səbəb olub? - Həkimdən CAVAB
"Uşağım filan yaşda qızılca olub" kimi müraciətlər bir ay bundan əvvəl uşaqlarla bağlı idi. İndi 25-35 yaşlılar daha çox paylaşım edir".
Ölkə.Az xəbər verir ki, bu sözləri pediatr Vaqif Qarayev deyib. Həkim koronovirus pandemiyasının qızılcaya qarşı peyvəndləmə prosesinə mane olması ilə bağlı deyilənləri doğru hesab etmədiyini bildirib:
"Pandemiyadan əvvəl peyvənd olunurduq ki? Statistikaya inansaq, ancaq qapanma zamanı qızılcaya yoluxma minimuma enib. Bu da təbiidir.
Son 15 ildə peyvəndə qarşı ölüm-dirim savaşı başlayıb. Nəticəni də hamı görür".
Pediatr "peyvənd olunanlar xəstələnə bilərmi" sualına da cavab verib:
"Bəli, 4-5% peyvənd olunmuşlar yoluxa bilir, amma təhlükəli ağırlaşmalar olmayacaq" - o söyləyib.
