Lupus xəstəliyi nədir? - Əlamətləri və simptomları

Lupus xəstəliyi dərinin xroniki, avtoimmun, revmatizmal dəri xəstəliyidir.

Ölkə.Az xəbər verir ki, bunu pediatr revmatoloq Aytən Əliyeva deyib. O bildirib ki, digər adı "qırmızı qurd eşənəyi" olan bu xəstəlik dəri, dırnaq, saç və ağız boşluğunun selikli qişasında başlayan lesionlarla ortaya çıxır:

"Günəş allergiyası tərzində fotosensitivlik və ya günəş həssasiyyəti bu xəstələrin əsas özəlliklərindən sayılır. Əsasən günəşin təmas etdiyi dərinin açıq sahələrində qaşıntılı, qabıqlı qızartılar yaranır".

Mütəxəssis deyib ki, aşağıdakı amillər uşaqlarda lupus inkişaf riskini artıra bilər:

1. Genetik amillər
2. Virus infeksiyaları
3. Bəzi dərmanlar
4. Fiziki və ya emosional stress
5. Estrogen kimi müəyyən hormonlar

Lupus genetik və ətraf mühit faktorlarının birləşməsinin nəticəsi ola bilər. Estrogen hormonu səbəbindən qızlar daha yüksək risk altındadır. Buna baxmayaraq, bəzi uşaqlarda risk faktorları olmasına baxmayaraq bu xəstəlik inkişaf edə bilməz, bəzilərində isə heç bir risk faktoru olmadan lupus ola bilər.

A.Əliyeva uşaqlarda lupusun əlamətləri və simptomlarını da sadalayıb:

1. Bədəndə və üzdə dəri döküntüləri
2. Hərarət
3. Oynaq ağrısı (Artralji)
4. Fotosensitivlik
5. Yorğunluq
6. Əzələ ağrısı
7. Ağız, burun və boğaz ağrıları
8. Şişkin limfa düyünləri
9. Çəki itirmək
10. Saç tökülməsi və ya alopesiya
11. Artan infeksiyalar
12. Anemiya
13. Böyrək problemləri
14. Perikardit, plevrit və peritonit kimi iltihablar.