"Noodle"ın bilmədiyiniz zərərləri: Qadınlarda bu xəstəliklərə səbəb olur

Danimarka Cənubi Koreyanın əriştə brendinin bəzi məhsullarını rəflərdən yığışdırıb.

Ölkə.Az xarici KİV-ə istinadla xəbər verir ki, Danimarka Baytarlıq və Qida İdarəsi markanın çox acı və ədviyyatlı 3 məhsulunun piştaxtalardan çıxarılmasına qərar verildiyini açıqlayıb.

Açıqlamada tək bir paketdə acı bibərin tərkib hissəsi olan kapsaisinin insanda kəskin zəhərlənməyə səbəb ola biləcək səviyyədə yüksək olduğu bildirilib.
İstehlakçılara əllərində olan məhsulları atmaq və ya aldıqları mağazaya qaytarmağa barədə çağırış edilib. Məhsulların uşaqlar üçün son dərəcə zərərli olduğu vurğulanıb.

Həmçinin Danimarkada bu məhsullardan heç vaxt zəhərlənmə hadisəsi olmadığı bildirilib.

Son vaxtlar nudl Xüsusilə Uzaq Şərq və K-Pop mədəniyyətinin yayılması ilə gənclərin tez-tez üstünlük verdiyi yeməklər sırasındadır.
Bununla belə, mütəxəssislər deyir ki, nudlın həddindən artıq istehlakı müəyyən fəsadlar yarada bilər. Sonsuzluq iddiası da onlardan biridir.

Araşdırmalar nudlın sağlam qida olmadığını üzə çıxarıb.

Cənubi Koreyada 11 min insan üzərində aparılan araşdırmada nudl yeyənlərin insult, xüsusilə qadınların isə ürək və şəkərli diabet kimi xəstəliklərdən əziyyət çəkdiyi müşahidə edilib.

Mütəxəssislər idmanla məşğul olan və ya balanslaşdırılmış pəhriz saxlayan qadınların həftədə iki dəfədən artıq hazır əriştə yeməməsi barədə xəbərdarlıq edir.

Hazır şorba və əriştə heç bir qida elementi ehtiva etmir. Qidalandırıcı maddələrin əvəzinə onların tərkibində zəhərli konservant olan üçüncü dərəcəli butil hidrokinon (TBHQ) olan əlavələr var. Bu əlavələr əriştə ilə birlikdə mədədə qalır ki, bu da nudlı həzm etmək üçün uzun səylər zamanı bir çox ciddi sağlamlıq problemlərinə səbəb ola bilər.

Əriştənin sonsuzluğa səbəb olduğuna dair hələ dəqiq bir araşdırma olmasa da, bu cür məhsulların fəsadlar törətmək ehtimalı həmişə var.

Billurə