Dənizə girdikdən sonra zədələnən saçlara necə qulluq etməli?

Çimərlik mövsümünün açılması ilə zədələnmiş saç problemi aktuallaşır.

Ölkə.Az Türkiyə mətbuatına istinadla xəbər verir ki, dənizdə və ya hovuzda üzdükdən sonra saçlarınız zədələnə bilər.

Günəş, qum, duzlu su və hətta hovuz suyunun xloru saçlara zərər verir.

Mütəxəssislər xlorlu və ya duzlu suya çox məruz qalan saçların köhnəlib solğunlaşdığını, qırılma və köhnəlmənin daha tez-tez baş verdiyini bildirir. Qeyd olunur ki, xüsusilə saçları boyalı qadınların bu mövzuda daha həssas davranmalıdırlar.

Bəs dəniz və hovuzdan sonra zədələnmiş saçlara zərər vermədən necə qulluq etmək olar?

- İlk növbədə dənizə və ya hovuza girməzdən əvvəl saçınızı mütləq islatmalısınız.
- Saçınızı qorumaq üçün papaq taxa bilərsiniz.
- Saçınıza balyaj, ombre etdirəcək və ya rəngləyəcəksinizsə, tətildən qayıdana qədər gözləməlisiniz. Çünki belə kimyəvi proseslər günəşin zərərli təsirlərini artırır.
- Dənizə və ya hovuza girməzdən əvvəl saçlarınıza qoruyucu krem çəkə bilərsiniz.
- Saç qurutma, fen və buruq kimi prosedurları minimuma endirməlisiniz.
- Dənizdən və ya hovuzdan çıxdıqdan sonra mütləq saçınızı yuyub təmizləməli və qulluq kremindən istifadə etməlisiniz.

Saçların parıldaması üçün maska

1 ədəd portağalın suyunu, 1 xörək qaşığı balı ve bir neçə damcı səndəl ağacı yağını qarışdıraraq şampundan sonra durulamada istifadə edin.

Zədələnmiş saçlar üçün maska

Bir bananı əzin. Bir neçə damcı badam yağı ilə qarışdırın və masaj edərək saçınıza çəkin. 15 dəqiqə gözlədikdən sonra mineral su ilə yuyun. Və sonra standart şampununuzu istifadə edə bilərsiniz. Şampundan sonra saç kremi çəksəniz, daha yaxşı nəticə əldə edə bilərsiniz.

Quru saçlar üçün maska

Bir xörək qaşığı balı yarım stəkan tam yağlı südlə qarışdırın və saç dərinizə masaj edin. 15 dəqiqə gözlədikdən sonra saçınızı yumşaldıcı təsiri olan şampunla yuyun.

Billurə