Kondisionerdə bu bakteriyalar yuva salır - Həkimdən xəbərdarlıq

"Uşaqları isti havadan birbaşa kondisioner işləyən otağa gətirmək düzgün deyil".

Ölkə.Az xəbər verir ki, bunu pediatr Vaqif Qarayev deyib. O bildirib ki, əvvəlcədən kondisionerin soyuğunu azaltmaq lazımdır.

Həkim kondisionerin filtrlərini tez-tez təmizləməsinin önəminə diqqət çəkib:

"Çünki orada "legionella" adlı bakteriyalar yuva salır və pnevmoniya törədir.
Uşaqları kondisionerin hava şırnağından uzaq tutmaq lazımdır. Südəmər yaşlı uşaqlar isə kondisioneri heç tanımasalar, yaxşıdır", - deyə o əlavə edib.