Pediatrdan valideynlərə xəbərdarlıq: bunu etməyin!

"Uşağa SPF-li krem niyə istifadə edilsin, niyə ultrabənövşəyi şüaların qarşısını alaq? Onsuz da bədənin özünümüdafiə funksiyası var. Ultrabənövşəyi şüa dozası artdıqca melanin piqmenti də artır və şüalardan qoruyur. Uşaq təbii qoruyucu kodlaşması ilə doğulur, krem ilə deyil".

Ölkə.Az xəbər verir ki, bunu pediatr Aytən İsmayılzadə deyib. O, uşaqların dərisinə kimyəvi qatqılı maddə çəkilməməsi mövzusunda qəti xəbərdarlıq edib:

“Bu kremlərlə biz Günəş yanığını önlədiyimizi hesab edirik. Sən yanıq olacaq vaxta kimi gün altında niyə qalasan ki?! Günəş yanığı ona görə olur ki, bunun da bir müddəti, saatı olduğunu anlayaq. Biz isə həm qaralmaq, həm də yanmamaq istəyirik. Bu arada qaralmaq sağlamlıq və ya yüksək D vitamini göstəricisi deyil, yəni “bu adam qışda xəstələnməz” anlamına gəlmir. Sadəcə qadınlar bunu yaraşıq üçün edir. 

Uşaqlara isə bu fikirlər yaddır. SPF "qoruyucu" faktorlu kremlər əslində qorumur. Bu adı ona görə qoyublar ki, insanlar qorxsun və bu kremləri alsın. Bu faktor yüksək olduqca deməli içində həmin işi görən kimyəvi maddələr çoxdur. Uşaq üçün heç kim hər hansı rəqəm deyə bilməz. 15-30-50% fərq etmir. Maddə var, mövzu bitdi. Uşaq dərisinə kimyəvi qatqılı maddə çəkmək olmaz.

Bu maddələr dəridən rahat şəkildə qana keçir. Sonra isə nələrə səbəb olar bilmirik. SPF faktorlu krem D vitamini yaranmasını da əngəlləyir. Çünki ultrabənövşəyi şüaları dəf edir, günvurmanın qarşısını almır.

Günəşdən düşən ləkələr isə həyati təhlükəli məsələ deyil, qışda gedir.

Ümumiyyətlə, bu, uşaq üçün deyil. Uşaq D vitamini alacaq qədər günəşləndikdən sonra kölgədə oynamalıdır. Günün qızmar vaxtı isə küçədə, dənizdə və ya parkda olmalı deyil”.

Billurə Yunus