Bu qida “pis" xolesterolu AZALDIR - Həkimdən MƏSLƏHƏT

Amerikalı genetik Tim Spektor bildirib ki, yulaf əzməsi dəmir, B vitaminləri, zülal kimi qida maddələri ilə zəngindir və xolesterolu aşağı salmağa kömək edir.

Ölkə.az Sfera.az-a istinadən xəbər verir ki, “Coventry Live” kanalına müsahibə verən Spektor yulaf əzməsini “pis" xolesterini azaltmaq üçün ideal qida adlandırıb. Onun sözlərinə görə, yulafın tərkibində aşağı sıxlıqlı həll olunan beta-qlükan lifi var və bu liflər lipoprotein səviyyələrini idarə etməyə kömək edir.

Həkim “pis" xolesterolla mübarizədə səmərəli nəticənin əldə edilməsi üçün hər gün yulaf əzməsi yeməyi məsləhət görür. Spektor onu da tövsiyə edib ki, tam təmizlənmiş yulafdansa, kəpək ilə qarışığı olan yulafdan hazırlanan yeməkləri yemək daha yaxşıdır. O, qabığı soyulmuş yulafları orqanizm üçün praktiki olaraq yararsız adlandırıb.

Qeyd edək ki, “pis" xolesterol dedikdə ağırlaşdırılmış lipoprotein (LDL) nəzərdə tutulur. Bu növ xolesterollar damarların divarlarında tıxanma yaratmağa meyilli olurlar. Bu tıxanmalar, qan axışını məhdudlaşdırır, ürəyin və beyinin oksigen təchizatını pisləşdirir.

“Pis" xolesterol ürək xəstəliklərinin və infarktın başlıca səbəblərindən biri hesab olunur. Bu səbəbdən, LDL səviyyəsinin mümkün qədər aşağı olması tövsiyyə edilir.