Sığorta hesabına qarşılanan dərmanların şərtləri açıqlanıb
İcbari Tibbi Sığorta üzrə Dövlət Agentliyi (Agentlik) 2025-ci ildə "ürək-damar sistemi xəstəlikləri" üçün ambulatorda dərman vasitələrinin verilməsinə başlayacaq. “Tibbi sığorta haqqında” qanuna əsasən tapşırıqların icra edilməsinə, mexanizmlərin yaradılmasına yarım ilə yaxın vaxt tələb olunur. 2025-ci ilin ikinci yarısında ambulator dərmanların icbari tibbi sığorta təminatına alınması nəzərdə tutulub. Ambulator dərman vasitələrinin təminatına 2025-ci ilin 6 ayı üzrə 40 milyon manat məbləğində vəsaitin ayrılması planlaşdırılıb.
Ölkə.Az xəbər verir ki, bu barədə icbari Tinbi Sığorta üzrə Fövlət Agentliyinin Marketinq və ictimaiyyətlə əlaqələr departamentinin rəhbəri Aynurə Əhmədova danışəb. O, ambulator şəraitdə dərman vasitələrinin sığorta təminatına alınması ilə bağlı vacib məlumatları bölüşüb:
“Agentliyin Tibbi xidmətlər və dərman vasitələri departamenti tərəfindən dərman təminatı mexanizmləri təhlil edilib. Belə ki, növbəti il yenilənən Xidmətlər Zərfində təminata alınan "dərmanların əsas təsiredici maddəsi və dozası" , yəni dərmanın tərkibi qeyd olunacaq. Buna əsasən icbari tibbi sığorta hesabına qarşılanan dərmanlarla bağlı "pozitiv siyahı" hazırlanacaq. Bu siyahıya yalnız ambulator şəraitdə həkim tərəfindən resept əsasında yazılan dərmanlar daxil ediləcək".
Aynurə Əhmədovanın sözlərinə görə, pozitiv siyahıda dərmanların brend adları və qiymətləri olacaq:
"Dərmanların qiyməti 2 hissədən ibarət olacaq. Şərti kompensasiya məbləği - "sığorta tərəfindən" , müştərək maliyyələşmə məbləği (MMM) - vətəndaş tərəfindən ödəniləcək. Müştərək maliyyələşmə məbləği dərmanın pərakəndə satış qiymətindən şərti kompensasiya məbləğinin çıxılması ilə müəyyən ediləcək. Qeyd edək ki, pərakəndə satış qiyməti Tarif Şurası tərəfindən müəyyən edilir".
“Bildiyiniz kimi, "əsas təsiredici maddə" "əsasında" müxtəlif brendlərə məxsus dərmanlar istehsal olunur. Eyni təsiredici maddənin olduğu dərmanların qiymətləri istehsalçıdan və ölkələrdən asılı olaraq fərqli ola bilər. Sığorta tərəfindən "eyni tərkibli" "dərman" istehsalçılarının hər birinə "eyni şərti kompensasiya" məbləği ödəniləcək. Vətəndaş tərəfindən seçilən dərmanın qiymətindən asılı olaraq, onun ödədiyi müştərək maliyyələşmə məbləği isə fərqli ola bilər”- o deyib.
Həmçinin qeyd edilib ki, icbari tibbi sığorta hesabına dərman təminatı yalnız elektron reseptlər əsasında həyata keçiriləcək. Agentlik qanunvericiliyə uyğun fəaliyyət göstərən "özəl apteklərlə" "əməkdaşlıq" "müqavilələri" "bağlayacaq" . Vətəndaş elektron reseptlə Agentlik ilə müqaviləsi olan aptekə yaxınlaşaraq reseptdəki dərmanların təsiredici maddəsi və dozalarına uyğun "pozitiv" "siyahıdakı" dərmanlardan birini seçə biləcək. Agentliklə müqaviləsi olan apteklər xüsusi loqolarla işarələnəcək ki, vətəndaşlar həmin aptekləri asanlıqla tanıya və tapa bilsinlər.
Billurə
