Dərimiz niyə quruyur? - Bu yolla aradan qaldırın

Quru dəriyə makiyaj etmək üzünüzün qabıqlanmasına və parça-parça durmasına səbəb ola bilər. Bu vəziyyəti aradan qaldırmaq üçün quru dərinizə bir az qulluq etməlisiniz.

Ölkə.Az “haber 7”yə istinadla xəbər verir ki, qışda küləkli havadan təsirlənən, az su içən və ya genetik olaraq quru dəriyə sahib olan qadınlar soyuq havalarda xüsusilə diqqətli olmalıdırlar.

Dəriyə zərər vermədən qırışıqlıqların artmasına, hətta dərinin qocalmasında ən böyük təsirlərdən biri olan quruluğa qarşı mütləq tədbirlər görülməli, dərinizin quruluşuna uyğun həm kosmetik, həm də dəriyə qulluq məhsullarına üstünlük verməlisiniz.

Yaxşı nəmlənmiş dəri həmişə daha sağlam, gənc və parlaq görünür. Bu səbəbdən quru dərisi olanlar 5 əsas nüansa diqqət yetirməlidir.

Türkiyəli dermatologiya üzrə dosent. Dr. Filiz Topaloğlu Demir bildirib ki, sağlam və parlaq görünən dərinin sirri onu yaxşı təmizləmək və düzgün qulluq etməkdir.

Yaxşı təmizləmək

Dərinizdəki makyajlı yaxşı təmizləməsəniz, qalıqlar dərinin hava ilə təmasını kəsəcək və qurumasına yol açacaq. Buna görə də makyajınızı addım-addım təmizləməli, sonra isə üz yuma geli ilə yuyaraq dərindən təmizləyə bilərsiniz. 

Yaxşı nəmləndirici

Dərinizdəki quruluğu aradan qaldırmaq üçün yaxşı bir nəmləndirici istifadə etmək lazımdır. İstifadə etdiyiniz nəmləndirici məhsul bir müddət sonra dərinizdən buxarlanırsa, mütləq məhsulu dəyişməli və qalıcı və sıx nəmlik təmin edən məhsul seçməlisiniz. Soyuq havalarda dərinin nəm səviyyəsi azaldığı üçün dərinizin adi gündəlik nəmləndiricidən daha çoxuna ehtiyacı var. Qatı nəmləndirici məhsullar bu işi çox yaxşı yerinə yetirir.

Ölü dərini təmizləmək

Dərinizin üst qatında toplanan ölü dəri hüceyrələri çopurlu görünməsinə səbəb olur. Bu vəziyyəti aradan qaldırmaq üçün ölü dərini təmizləmək lazımdır. Dəriniz həddindən artıq quru və həssasdırsa, dərini qıcıqlandırmadan təmizləmək üçün zərif mikro dənəcikli pilinqdən istifadə etməlisiniz.

Nəmləndirici maskalar

Dərinizə qulluq etməyə vaxtınız olmadıqda, nəmləndirici və itirilmiş enerjini qısa müddətdə bərpa edən nəmləndirici maskaları sınaya bilərsiniz. İndi bir çox kosmetik mağazalarda mövcud olan nəm maskaları, tərkibindəki güclü maddələr sayəsində bir neçə dəqiqə ərzində nəm səviyyəsini artıra bilir. 

Su qəbulu

Dərinizin qurumasının qarşısını almaq üçün edə biləcəyiniz ən vacib şey bol su içməkdir. Dərinin quruluğunun qarşısını almağın başqa bir yolu da içində olduğunuz mühitin daim nəm olmasını təmin etməkdir. Ya ətrafa su dolu qablar yerləşdirin, ya da bitki qoyun.

Həmçinin gecə yatmazdan əvvəl makiyajınızı təmizləyin və sonra güclü nəmləndirici tətbiq edin.

Billurə