Diş minasını bərpa edən gel yaradıldı

Ölkə.Az xəbər verir ki, araşdırmanın nəticələri "Nature Communications" jurnalında dərc olunub.

Ənənəvi flor tərkibli vasitələrdən fərqli olaraq, yeni gel qüsurları sadəcə örtmür, mina qatını yenidən formalaşdırır. Onun təsir mexanizmi körpələrdə diş minasının inkişafını tənzimləyən təbii zülallara əsaslanır. Gel dişə çəkildikdən sonra möhkəm örtük yaradır, mikroçatları və məsamələri doldurur, daha sonra isə epitaksial minerallaşma prosesini — tüpürcəkdəki kalsium və fosfat kristallarının nəzarətli şəkildə böyüməsini işə salır.

İki həftə sonra minanın strukturu sağlam dişinki ilə eyni vəziyyətə qayıdır. Bu nəticə elektron mikroskopu ilə aparılan tədqiqatlarla təsdiqlənib. Geli dentinə (təkcə dişin minasına yox, onun alt qatına) də tətbiq etmək mümkündür — bu, həssaslığı azaldır və plombların və ya vinirlərın qoyulması üçün yapışmanı yaxşılaşdırır.

Tərtibatçılar bildirirlər ki, texnologiya təhlükəsizdir, istifadəsi sadədir və flor lakları kimi stomatoloji klinikalarda tətbiq oluna bilər. İlk kommersiya məhsulunun artıq yaxın bir il ərzində satışa çıxarılması planlaşdırılır.