Yeniyetmə yaşlarından solariyə gedən qız xərçəngə tutuldu

Ölkə.az xəbər verir ki, o, xəstəlik hekayəsini Metro nəşri ilə bölüşüb.

Onun sözlərinə görə,o, tətildən və ya ziyafətdən əvvəl solyariya salonuna gedər və sonra bir neçə ay solariydən imtina edərdi. Daha sonra o, Böyük Britaniyadakı solariya salonlarının 18 yaşdan kiçik insanlara xidmət göstərməsinin qadağan olduğunu öyrənib, lakin heç kim onun yaşını soruşmayıb.

20 yaşında irlandiyalı qadın hamilə qalıb və bu müddət ərzində solariydən imtina edib. Doğuşdan sonra o, solariya salonuna qayıdıb. "2022-ci ilin yayında sağ yanağımda qara xalın çıxdığını gördüm. "2022-ci ilin sentyabrında xal çıxarıldı və biopsiyaya göndərildi", - deyə o bildirib.

Biopsiya onun melanoma xəstəliyinə tutulduğunu aşkar edib. 2023-cü ilin fevral ayında o, üzündəki xal da daxil olmaqla, böyük bir dəri sahəsini çıxarmaq üçün əməliyyat keçirib. "Əməliyyatdan sonra boynumda əlavə bir çapıqla oyandım: xərçəngin yayılıb-yayılmadığını yoxlamaq üçün limfa düyünü də çıxarılıb. Nəticələr isə melanomanın limfa düyünlərinə də yayıldığını göstərib", - deyə Keti xatırlayır.

Həkimlər onun qaralma sevgisinin dəri xərçənginə səbəb olduğunu izah ediblər. "2026-cı ilin fevral ayında bir illik hədəf immunoterapiyanı başa vurdum və indi remissiyadayam. Amma bu, son deyil - indi xərçəngin yenidən yaranmaması üçün beş il ərzində hər altı aydan bir müayinədən keçməliyəm", - Keti yekunlaşdırıb.

Həmidə İbrahimova