Gündə neçə fincan çay təhlükəlidir?
Həkim Nisa Aslam gün ərzində içilən çayın həddən artıq olmasının sağlamlığa zərər verə biləcəyini bildirib.
Ölkə.az xəbər verir ki, onun sözlərini "Metro" nəşri sitat gətirib.
Qeyd olunur ki, əvvəllər təhlükəsiz norma kimi gündə 4–5 fincan çay qəbul edilirdi. Lakin Aslamın araşdırmasına görə, gündə 3–4 fincandan artıq çay içmək məsləhət deyil. Həkimin sözlərinə görə, bu hədd keçildikdə insan kofeinin mənfi təsirlərini hiss etməyə başlaya bilər.
Bununla yanaşı, həkim vurğulayıb ki, az miqdarda çay iltihabəleyhinə təsir göstərir. Bu təsir xüsusilə 2-ci tip diabet, astma və ya ürək-damar xəstəlikləri səbəbindən orqanizmdə iltihab səviyyəsi yüksək olan insanlarda daha aydın müşahidə olunur.
Eyni zamanda o qeyd edib ki, çay dərmanları əvəz etmir, lakin orqanizmin iltihabi stressə reaksiyasına müəyyən dərəcədə təsir göstərə bilər.
Həmidə İbrahimova
