Ağacan Abıyevin yerinə Siyavuş Novruzov təyin edilib?
Milli Məclisin İntizam Komissiyasının sədri dəyişdirilib.
"Ölkə.Az" xəbər verir ki, yerli KİV-də bugün yayılan məlumata görə, Ağacan Abıyev İntizam Komissiyasının sədri vəzifəsindən çıxarılaraq yerinə Siyavuş Novruzov təyin edilib. Məsələ ilə bağlı Ağacan Abıyevin mövqeyini öyrənməyə çalışdıq. O, yayılan xəbərdən məlumatsız olduğunu bildirdi.
Eyni zamanda "Ölkə.Az"-ın əldə etdiyi məlumata görə, Milli Məclisdə bu dəyişiklik baş tutmayıb.
Milli Məclisin İntizam Komissiyasının sədri dəyişməyib. Bununla bağlı yazılanlar yanlış məlumatlardır.
Siyavuş Novruzov da Report-a açıqlamasında məlumatı təkzib edib: "İntizam Komissiyasının sədri seçilməmişəm".
Qeyd edək ki, Siyavuş Novruzov Milli Məclisin İctimai birliklər və dini qurumlar komitəsinin sədridir.
