MDB Dövlətlərinə yeni təklif

"MDB-nin yeni konsepsiyasını hazırlamaq lazımdır və gələcək işlərimizi buna uyğun davam etdirmək lazımdır."

Bunu Qazaxıstan prezidenti Nursultan Nazarbayev Minskdə MDB Dövlət Başçılarının sammitində çıxışı zamanı səsləndirib.

O deyib: "Ola bilər ki, biz burada dövlət başçıları ilə məsləhətləşək və MDB-ın inkişafı ilə bağlı yeni konsepsiya haqqında razılaşaq. Bu sənəd 2016-cı ilə, təşkilatın 25 illiyinə qədər hazır ola bilər."

Qazaxıstan prezidenti əminliyini bilıdirib ki, MDB-də ticarət-iqtisadi münasibətlər, azad ticarət zonaları, tranzit-nəqliyyat sahələrində əməkdaşlıq, aqrar sənaye kompleksi və ərzaq təhlükəsizliyi ilə bağlı işlər davam edəcək: "Düşünürəm ki, biz balanslaşdırılmış şəkildə, məsləhətləşərək birlikdə çalışacağıq."

N.Nazarbayev həmçinin 2015-ci ilin dördüncü rübündə növbəti sammitin keçirilməsini təklif edib./Anspress/

Ölkə.Az