İlham Əliyev Minskdə danışdı

“Biz bundan sonra da ikitərəfli əməkdaşlıq potensialının artırılmasına çalışacağıq”

MDB-nin potensialı tükənməyib, bu, əməkdaşlıq, qarşılıqlı əlaqə, regional və beynəlxalq həyatın aktual məsələlərinin müzakirəsi üçün meydançadır.

Bu barədə Azərbaycan Prezidenti İlham Əliyev bu gün MDB dövlət başçıları Şurasının Minskdə keçirilən iclasında bildirib.

“Biz, uzun illər birlikdə ünsiyyət saxlayan və mühüm məsələləri həll edən həmkarlar kimi əlbəttə ki, bizi narahat edən bütün məsələləri belə açıq və səmimi atmosferdə müzakirə etməliyik. Azərbaycan MDB-də iştirakına mühüm əhəmiyyət verir. Hesab edirik ki, təşkilatımızın çərçivəsində qarşılıqlı əlaqə, koordinasiya, bir-birimizin problemlərinin daha yaxşı anlaşılması, həmçinin digər mühüm məsələlərin həlli üçün çox şeyə nail olunub. Biz həmçinin MDB-yə üzv ölkələrin əksəriyyəti ilə ikitərəfli formatda fəal əməkdaşlıq edirik. Hesab edirəm ki, ikitərəfli münasibətlər bizim təşkilatımız çərçivəsində münasibətlərimizi sementləyir və biz bundan sonra da ikitərəfli əməkdaşlıq potensialının artırılmasına çalışacağıq”, - deyə, dövlət başçısı bildirib.  

Onun sözlərinə görə, iqtisadi sahədə, investisiyalar sahəsində yaxşı işləmələr var.

“Bu gün əlbəttə, narahatlıq doğuran məsələlərə diqqət ayrılır. Bu məsələlər regional, beynəlxalq təhlükəsizliklə bağlıdır”, - deyə, Azərbaycan Prezidenti vurğulayıb./Oxu.az/

Ölkə.Az