"Kürdlər dünyanın heç bir yerində sahib olmadıqları hüquqlara məhz Türkiyədə sahibdirlər"

İŞİD-in Türkiyə sərhəddi boyu irəliləməsini, Türkiyənin daxilini qarışdıran kütləvi aksiyalar və təhlükəsizlik qüvvələri ilə etnik kürdlər arasında davam edən qarşıdurmaların nə ilə nəticələnəcəyi haqqındakı fikir və analizlərini millət vəkili Fazil Mustafa Ölkə.az-ın əməkdaşı ilə bölüşüb:

Fazil Mustafa: "Beynəlxalq güclər hər iki terrorçu qrupu Türkiyəyə qarşı istifatə etməyə çalışır. Türkiyə çox həssas bir dövürdən keçir. Əslində İŞİD-lə PKK arasında heç bir ciddi fərq yoxdur. İkisi də insanlıq əleyhinə olan cinayətlərin müəllifləridir. Ona görə də, Türkiyə hər ikisinə qarşı, birinə qarşı daxildə, o birinə qarşı xaricdə döyüşmək məcburiyyətindədir. Bu baxımdan bunların eyni vaxta əməliyytalara başlaması Kobanini bəhanə edərək Türkiyəni qarışdırması gözlənilən bir şey idi. Çünki PKK-nın xəyanəti nəticəsində türklər uzun illərdir daha formalaşmış bir güc olmaq imkanını əldən qaçırıblar. Türkiyənin regional güc olaraq daha çox işlər görmək imkanları var idi, amma bu daxili məsələlərlə məşğul olmaları bir çox problemlərin yaranmasına gətirib çıxarır. Bu günlərdə PKK-nın xəyanəti daha çox üzə çıxdı. Orda kürdləri qırırlar, Türkiyənin dəstəyini istəyirlər və bu tərəfdən də xəyanət edirlər. Çox ciddi həssas bir dövürdür və dövrü istər Ankara, istər onun müttəfiqi olan Bakı Türkiyəyə dəstək verərək onun bu vəziyyətdən çıxmasına köməklik göstərməlidir. PKK ağıllı olsa idi kürdlərin haqqını da kifayət qədər əldə edə bilərdi. Niyə kürdlərin heç bir haqqını əldə edə bilmirlər? Çünki savaş yolu ilə bunu etmək istəyirlər amma kürdlər başqa ölkələrdə qazanmadıqları hüquqları Türkiyədə qazanıblar. Buna qane olmurlarsa demək özlərində problem var. Naşükürlük amili kürdlərin özü üçün də faydalı deyil. İnanıram ki, Türkiyə bu vəziyyətdən çıxacaq. Türkiyə ən azı öz ordusu ilə istənilən gücü dəf etməyə hazırdır".

Səxavət Məmməd

Ölkə.az