Qarabağa səfər edən türkiyəli siyasətçilər barəsində müvafiq addımlar atılacaq
“Azərbaycanın icazəsi olmadan Qarabağa səfər edən türkiyəli siyasətçilər barəsində Türkiyə müvafiq addımlar atacaq”.
"Ölkə.Az" xəbər verir ki, bunu “Report”un Türkiyə bürosuna açıqlamasında bu ölkənin xarici işlər nazirinin müavini Əhmət Yıldız deyib.
“Bu hadisə baş verəndə mən xarici ölkədə idim. Baş verənlər haqqında məlumat aldım. Təbii ki, diqqət etmək lazımdır. Azərbaycanın həssaslığı bizim həsaslığımızdır. Xüsusilə Qarabağda Azərbaycan torpaqlarının işğalının davam etdiyi müddətdə bu kimi işlər əsla yolverilməzdir. Bu şəxslərlə bağlı lazimi addımlar atılıb və atılacaq”.
