İran: "Suriya istəsə, yardım edərik"

Ölkə.Az xəbər verir ki, İranın Xarici işlər nazirliyinin sözçüsü İraq Şam İslam Dövləti tərəfindən mühasirəyə alınan Kobaninin Suriyanın bir hissəsi olduğu üçün bura yalnız Suriya dövlətinin izni ilə hər hansı yardımın ediləcəyini bildirilib.

Nazirliyin sözçüsü Mərziyə Afham bu gün etdiyi mətbuat konfransında Kobaniyə yardım məsələsindən söhbət açaraq Suriya dövlətinin rəsmi mövqeyinin əsas götürüləcəyini qeyd edib. 

"Kobani Suriya torpağının bir parçasıdır və ancaq Suriya dövlətinin istəyilə yardım edərik. Bu cür məsələlərdə ölkələrin milli suverenliyi və beynəlxalq prinsiplər nəzərə alınmalıdır",-  deyə o bildirib. 

Mərziyə Afham Suriya dövlətinin Kobani mövzusunda hələlik İrandan rəsmi şəkildə kömək istəmədiyinə əlavə edib.