Şimali Koreyada dövlət çevrilişi baş verib?

Şimali Koreyanın dövlət başçısı Kim Çen Inın yoxa çıxması şaiyələrin yayılmasına səbəb olub

Ölkə.Az xəbər verir ki, Şimali Koreyanın təbliğat maşınının əsas aparıcı qüvvələrindən biri sayılan zabit və şair Çan Çin Son ölkədə çevrilşin baş verdiyi haqda məlumat yayıb. Bu fikir Niderlandda yaşayan Şimali Koreyanın keçmiş sakinlərinin konfransı zamanı səslənib. Şairin sözlərinə görə, Kim Çen Ina tabe olan insanlar xeyli vaxtdır ki onunla hesablaşmır.

Bildirilir ki, Əmək partiyasının mərkəzi komitəsinin şöbə üzvləri ölkəni istədikləri formada idarə edir və dövlət başçısı ilə hesablaşmır.

Son dəfə Kim Çen In babasının xatirəsinə həsr olunmuş mərasimdə axsayaraq görüntülənib. Kadrarxası mətndə deyilib ki, "səhhətindəki problemlərə baxmayaraq başçımız dövləti idarə edir". Qeyd edək ki, yaxınlarda Kim Çen In hər iki ayağında əməliyyat keçirib.

Bundan əlavə, Yonhap adlı Cənubi Koreya agentliyi yazır ki, Kim Çen In diabet, hipertoniya, piylənmə və digər xəstəliklərdən əziyyət çəkir. 

Çan Çin Son iddia edir ki, ölkədə 2013-cü ildən dövlət çevrilişi baş tutub və Kim Çen In sadəcə olaraq formal fiqur rolunu oynayır.

Rəşid Mustafazadə

Ölkə.Az