Putin: "Biz Ukraynanın ərazi bütövlüyü uğrunda əlimizdən gələni edəcəyik"

"Ukrayna öz ərazi bütövlüyü və birliyini yalnız ölkənin bütün vətəndaşlarının hüquqlarının təmin olunması yolu ilə qoruya bilər".

Ölkə.Az "RİA-Novosti"-yə istinadən xəbər verir ki, bu fikirləri Rusiyanın prezidenti Vladimir Putin "Rusiya çağırır!" ( "Россия зовет!") adlı investisiya forumunda çıxışı zamanı səsləndirib.

"Biz Ukraynanın istənilən bucağında yaşayan insanların irqindən, dinindən, dilindən asılı olmadan, ayrıseçkiliyə məruz qalmadan beynəlxalq hüquq normaları və Ukrayna qanunları ilə nəzərdə tutulmuş bütün hüquqlardan yararlanması tərəfindən çıxış edirik",-deyə Putin bəyan edib.

"Yalnız bu yolla ölkənin ərazi bütövlüyünü qorumaq, birliyi bərpa etmək və sosial-iqtisadi sahədə inkişafa nail olmaq mümkündür. Biz buna ümid edirik və əlimizdən gələni edəcəyik", - deyə Rusiya prezidenti əlavə edib.