Qubad İbadoğlu: "Əgər Müsavatın güclənməsini və inkişafını istəyirsinizsə..."
Müsavat Partiyası başqanlığına keçmiş namizəd, iqtisadçı alim Qubad İbadoğlu müsavatçılara müraciət edib.
Ölkə.az xəbər verir ki, bu barədə Qubad İbadoğlu öz facebook səhifəsində geniş status yazıb. Müraciətində o, partiya daxilindəki vəziyyətin gərginləşməsinə görə, narahatlıq hissləri keçirdiyini də qeyd edib. Həmin müraciəti sizə olduğu kimi təqdim edirik:
Əziz müsavatçılar, dəyərli dostlar!
Son günlər sizlər arasında gedən müzakirələri izləyir və bölüşdüyünüz mövqelərə, səsləndirdiyiniz fikirlərə və eyni zamanda bir-birinizə qarşı olan münasibətlərin şiddətinə görə narahatlıq keçirirəm. Əgər Müsavatın güclənməsini və inkişafını istəryirsinizsə, müzakirələrin yönünü dəyişin, onu elə aparın ki, ondan partiyanın gələcəyinə töhfələr olsun. Siz nədən bu müzakirələrinizi Məclis seçkilərinin nəticələri üzərində qurub növbəti seçki üçün layiqli namizədlərinizi müəyyənləşdirmirsiniz. Məclis Müsavatın vitrinidir, ora ağılı, zəkası və intellekti olanlarınların meydanıdır. Amma son seçkilər göstərdi ki, sizlər Azərbaycanda konfliktlərin həlli, təhlükəsizlik məsələləri üzrə tanınmış ekspert olan ABŞ-ın Duke Universitetinin məzunu Elxan Mehiyevin, tanınmış iqtisadçı, vergi mütəxəssisi, keçmiş vergi naziri İsa Bağırovun, pedoqika üzrə fəlsəfə elmlər doktoru, Azad Müəlliklər Birliyinin sərdi Mələhət Mürşüdlünün, tanınmış jurnalist Müsavatın yazarı, Elşad Paşasoyun, insan haqları müdafiəçisi Sədaqət Paşayevanın, Böyük Britaniyanın Nyukasl Universitetində beynəlxalq iqtisadiyyat üzrə magisr dərəcəsini almış Müsavat Gənclər təşkilatının sədri Əhliman Abbasın, başqanlığa namizəd Tural Abbaslının və digər fədakar gənclərin və ziyalı müsavatçıların Məclisə seçilməsinə nail ola bilmədiniz. Heç kənarda qalanlarla Məclisə düşənlər arasında paralellər aparmısınızmı? Necə ola bilər ki, orta savadı olanlar Məclisə düşür, alimlər və ziyalılar ordan kənarda qalır. Bu sizi düşündürürmü? Düşünürsünüzmü Partiyanın İqtisadiyyat, Təhsil, Tibb, Təhlükəsizlik, Qarabağ komissiyalarına kimlər rəhbərlik edəcək. Məclsiin orta yaşına nəzər salmısınızmı? Hazırkı tərkibdə cəmiyyətə təqdim oluancaq yeni simalar gördünüzmü? Məsləhətim odur ki, bir-birinizi aşağılayan yazılara son qoyasınız, Məclis barədə təhlillər apasınız, layiqli namizədləri təqdim edəsiniz və onlara yol açasınız.
Qeyd edək ki, “Müsavat” partiyasının sonuncu qurultayından sonra Arif Hacılının başqan seçilməsi namizədliyini irəli sürmüş şəxslərdən bir neçəsinin, həmçinin fəal müsavatçıların etirazına səbəb olmuşdu.
Fatimə İbrahimova
Ölkə.az
