Mətn ölçüsü:
  • 100%

Elman Türkoğlu: "Ramil Usubovdan xahiş edəcəm ki, mənə silah versin"

İki gün öncə yayılan bir məlumatda Azadlıq hərəkatının bayraqdarı kimi tanınan Elman Türkoğlunun Xədicə İsmayılı məhkəməyə verdiyi bildirib. Bu məsələ ilə bağlı Ölkə.Az bayraqdarın özü ilə əlaqə saxlayıb münasibət öyrəndi:

"Mən həmişə demişəm, bu gündə deyirəm, dədəm Elçibəyin ölümündə əli olan və cəbhəni parçalayan AXCP sədri Əli Kərimlidir. 2011-ci ildə belə bir yazı ortaya atdılar ki, guya məni MTN-ə aparıblar, orda məni döyüblər və mən işgəncələrə dözə bilməmişəm. Bundan sonra MTN-lə razılaşmışam ki, ayı 600 manata MTN-ə işləyib müxalifəti dağıdacam. Yayılan sənədlərin birində MTN-nin möhürü var idi. Ancaq sonra məlum oldu ki, o möhür saxtadır. Elçibəyin hakimiyyəti dövründə mən guya Şəkidə olmuşam, orda bir qızı kafeyə aparmışam və kafenin zirzəmisində o qızı zorlamışam, qız da gedib özünü asıb öldürüb. Sonra məni orda tutublar, sındırıblar və boynuma qoyublar ki, 600 manata MTN-ə işləyəcəksən, bütün məlumatları onlara çatdıracam və müxalifəti parçalayacam. Bu kimi sənədləri Xədicə İsmayıl paylaşanda, ona 21 sual ünvaladım. Ancaq Xədicə onlara cavab vermək əvəzinə, həmin sənədləri yenidən yaydı".

Mən də bütün sənədləri topladım, sentiyabr ayının 30-u günü Xədicə İsmalı Binəqədi məhkəməsinə verdim. Oktyabrın 3-ü saat 14:00-da ilk məhkəmə iclası keçiriləcək.

Azərbaycanda tanınmış siyasətçilərdən, simalardan və partiya sədrlərindən xahiş və tələb edirəm ki, Xədicə İsmayıla görə məndən ricada bulunmasınlar. Bu böhtana görə, Xədicə İsmayıl türmədə yatacaq. Xədicədən əlavə Əli Kərimlidə türmədə yatacaq. Xədicə İsmayılı mənim üstümə Əli Kərimli qaldırıb, hansı ki, gündüz müxalifətdir, gecə isə iqtidar. Xədicə birbaşa Əli Kərimlinin əlaltısıdır. Əli Kərimli prezident seçilmək istəyir amma unutmasın ki, ondan heç vaxt prezident olmayacaq, Əli Kərimlidənsə İlham Əliyevin prezident olması daha yaxşıdır. Müxalifətin tərkibində vicdanını satmışlardan, məsələn Seymur Baycan kimilərdənsə, bu hakimiyyət daha yaxşıdır. Bunların hamısı güllələnməlidir. Əgər Azərbaycan nümayəndə heyətinin üzvü Varşavada çıxış edirsə və Xadicə ona arxa çevirirsə, bu Azərbaycan dövlətinə və vətənə xəyanətdir. Sual verirəm, Əli Kərimlidə bu qədər pul hardandır? 26 milyonluq Londondakı villası, Bilgəhdə 7 milyonluq villası, Naftalanda bir milyon yarımlıq, Qubada bir milyon yarımlıq, bu villalar kimindir? Göyçayda 2 şadlıq sarayı var, hardandı o şadlıq sarayları? Demək ki, bu adam satqınlıqla, xəyanətkarlıqla məşğuldur. 22 ildir müxalifətdəsənsə, hakimiyyətə gələ bilmirsənsə, siyasətdən rədd olub getməlisən.

Mirmahmud ağaya zəng ediblər ki, Elaman Türkoğlu onları məhkəməyə verməsin. Mən də Mirmahmud ağaya dedim ki, əgər belə olacaqsa, mən istefa verirəm. 4 saat Mirmahmud ağa ilə bu məsələ ətrafında danışıq aparmışıq.

İctimaiyyət bilməlidir ki, Əli Kərimli 5 nəfərin qatilidir. Birinci öldürtdüyü adam Qubad Məmmədov, “Yurd” təşkilatının sədri idi. 1993-ü ildə Qubad Məmmədov Sumqayıtda maşının altında qaldı. İkincisi, İbiş İbrahim, “Kommersiya” qəzetinin redaktoru idi. İbişi Əli Kərimli “Yurd”un üzvü olan Elnur Məmmədliyə öldürtdü, qanını da batırdı. Üçüncüsü, Con Edvişdir. Gözəl Bayramlı tərəfindən boğulub öldürüldü. Con Edvişi 39 milyon dollara görə öldürdülər. Dördüncü isə dədəm Elçibəydir. Elçibəyi ad günündə zəhərləyib öldürtdü. Mən bunu hər yerdə demişəm, ifadəmdə də demişəm. Həmin zəhərli dərmanı İrandan, Tehrandan gətirən Qənimət Zahid olub və onu Əli Kərimliyə verib".

Elman Türkoğlu bu şok məlumalatlardan sonra nəfəsini dərib yenidən Əli Kərimlini ifşa etməkdə davam edir:

"Rusiyadakı şirkətlər kimindir? Asəf Quliyevlə nə üstə savaşıb ayrıldılar? Hamısı 16 milyona görə oldu. Əldə etdiyim məlumata görə, Əli Kərimli ölkədən qaçmaq istəyir. 28 may günü Əli Kərimli deyib ki, Elman Türkoğlu Məmmədəmin Rəsulzadənin abidəsinin önündə bayraq qaldırsa mən ora getməyəcəm. Sən kimsən? Elçibəyə xəyanət etdin, indi də bayrağa xəyanət edirsən? Xədicəni həbs etdirdikdən sonra Əli Krimlini həbs etdirməyə çalışacam. Mən peşakar inqilabçıyam. Peşakar inqilabçının qarşısında Əli Kərimli kimi siyasətçilər at oynada bilməyəcək. Bunlar məni hər yerdə təhqir edirlər. Prezident İlham Əliyevə və Daxili işlər nazirliyinə müraciət edəcəm ki, məni silahla təmin etsinlər və icazə versinlər ki, mənə qarşı hansısa hadisə baş versə atəş aça bilim!", deyə inqilabın bayraqdarı sözlərini tamamladı.

Redaksiya: Qarşı tərəfin etiraz edəcəyi təqdirdə Elman Türkoğlunun səs yazısını da yayımlamağa hazırıq

Səxavət Məmməd

Ölkə.Az