"Rusiya Azərbaycanı İŞİD-lə qorxudub öz tərəfinə çəkmək istəyir"

Xatırladırıq ki, Baklanovun məqaləsindən çıxarış Virtualaz.org saytında dərc olunmuşdu.

Bəs, ümumiyyətlə bu iddia nə qədər reallığa uyğundur?

Məsələni Ölkə.az-a politoloq Ərəstun Oruclu şərh edib. O, bildirib ki, bu cür iddianın səslənməsi provakasiya xarakterlidir və bu ölkəmizə təzyiq, təhdid xarakteri daşıyır. 

"Bu açıqlama provakasiya xarakterlidir. Çünki coğrafi baxımdan Azərbaycan hara, İŞİD hara. Ona görə də bu açıqlama qeyri-ciddi görünür. İŞİD-in Azərbaycana gəlməsi üçün o ya Türkiyədən keçməlidir, ya da İrandan. Təbii ki, kiçik qruplar şəklində keçib, təşkilatlanıb nəsə edə bilərlər, ancaq mən güman etmirəm ki, Azərbaycan onlarla mübarizə aparacaq gücə sahib olmayacaq qədər aciz olsun. Digər tərəfdən isə bu gün İŞİD-in fəaliyyət məkanı, hədəfi ərəblərdir. Əgər belə bir açıqlama olubsa, heç şübhəsiz bu ölkəmizə təzyiq, təhdid xarakteri daşıyır. 

- Rusiyanın əsas məqsədi Azərbaycanı öz proqramlarına qoşmaqdır. Rusiya istəyir ki, Azərbaycanı Gömrük ittifaqına və AİB-ə üzv etsin. Məhz bu məqsədlə Rusiya Xəzərin statusunu yenidən gündəmə gətirib. Buna görə də, Rusiya Azərbaycanı hər vasitə ilə, o cümlədən də belə politoloqların dili ilə hər cür təhdid edərək qorxutmağa çalışır".