ABŞ-ın Azərbaycana qarşı növbəti qərəzinə
ABŞ Beynəlxalq Münasibətlər Şurasının öz “Global Conflict Tracker” (Qlobal Münaqişə İzləyicisi) hesabatında “Dağlıq Qarabağ əhalisinin 95 faizi etnik cəhətdən ermənidir” ifadəsinə yer verib.
ABŞ-ın Azərbaycana qarşı növbəti təxribatını millət vəkili Zahid Oruc Ölkə.az-a şərh edib.
Zahid Oruc: "Dağlıq Qarabağ əhalisinin 95 faizi etnik cəhətdən ermənidir ifadəsi tamamilə səhvdir. Bununla bağlı müəyyən qrumlarımız rəsmi məktub göndərməlidir və ümüdvaram ki, onlar hesabatda dəyişiklik edəcəklər.
200 il əvvəl ermənilər ora yerləşdirilməyə başlayanda erməni kilsəsinin başçısı demişdir ki, indiki saxtalaşdırmanı heç kimin görmədiyinə baxmayın, illər sonra heç kim o saxtalaşdırmanın mənbəyini tapa bilməyəcək.
Bu gün çıxan saxta informasiyalar sabah erməni millətçilərinin əlində hüquqi arqumentlərə, köməkçi vasitələrə çevriləcək. Ona görə də, onların hazırkı siyasi istehkamlarını əlindn almaq lazımdır.
Ermənilərin Dağlıq Qarabağda demoqrafik cəhətdən cəmləşmələrini onların özlərinin neytral mənbələrində də görmək mümkündür. Ötən əsrin əvvələrində bu rəqəm 80%-dən çox bizim lehimizə idi. Proseslər davam etdikcə sonradan balans yaranıb. 1988-ci ildə Dağlıq Qarabağda yaşayan ermənilərin sayı 90 min, azərbaycanlıların sayı isə 45 min olub. Bu rəqəm necə olsa da o ərazinin Azərbaycana məxsus olduğunu inkar etmir. Bu cür hesabatlar hazırlanan zaman mütləq Azərbaycanın rəsmi dövlət orqanlarından bununla bağlı məlumat əldə etməlidirlər".
- Zahid bəy, niyə biz həmişə ermənilərin etdiklərini düzəltməklə, təkzib verməklə məşğuluq, niyə onlar həmişə bizdən bir addım öndədirlər?
- Siyasətdə bir məşhur yanaşma var, birinci planda hərəkət etmək. Addımları, təşəbbüsləri, informasiyaları özün çıxarırsan və digər qüvvə təkzib etmə, müdafiə etmə mövqeyinə çəkilməli olur. Bütün hallarda əsas mövqe sənin əlində olmalıdır. Ancaq indiki vəziyyətdə ermənilər ilk addımı atırlar, biz onların yaratdığı minaları zərərsizləşdirməklə məşğul oluruq. Etiraf etmək lazımdır ki, ermənilər 100 ilə yaxın bir dövrdə xüsusi ilə ABŞ-da lobbi işini peşakar şəkildə qurublar.
Səxavət Məmməd
Ölkə.az
