Arif Hacılı ilk sərəncamlarını imzaladı
Bu gün Müsavat Partiyasının başqanı Arif Hacılı bir neçə sərəncam imzalayıb
Partiyadan daxil olan məlumata görə, yeni başqan Mərkəzi İcra Aparatı partiyanın yeni icra strukturları yaradılanadək öz funksiyalarını həyata keçirməyi davam etdirməsinə qərar verib.
Digər sərəncamla müəyyən olunub ki, Müsavat Partiyasının Məclisi 11 oktyabr 2014-cü il tarixdə saat 11.00-da Müsavat Partiyasının mərkəzi qərargahında çağırılsın. Müsavat Partiyası Məclisinin 11 oktyabr 2014-cü il tarixli sessiyasında MNTK və sərbəst Məclis üzvlüyünə boş qalmış yerlərə seçkilər keçirilsin.
Namizədlərin irəli sürülməsi müddəti 01 oktyabr 2014-cü il 12.00-dan 10 oktyabr 2014-cü il saat 17.00-dək müəyyən edilsin. Ərizələr yazılı şəkildə Müsavat Partiyası Mərkəzi İcra Aparatının Təşkilat şöbəsinə təqdim edilsin. Qeyd edək ki, Müsavat Partiyasının sentyabrın 27-də keçirilən qurultayında Arif Hacılı sədr seçilib./Qafqazinfo/
Ölkə.Az
