Araz Əlizadə: \"Bu böhran Rusiyanı dağıda bilməyəcək\"

Rusiya prezidenti Vladimir Putin hər il olduğu kimi, bu il də ənənəvi brifinq keçirib.

Putin bildirib ki, Rusiya tezliklə iqtisadi böhrandan çıxacaq. Daha sonra Türkiyə ilə əməkdaşlıqdan danışan Putin Ankaranın iştirakı olmadan bir çox regional məsələnin həllinin mümkün olmadığını vurğulayıb.

Putinin səsləndirdiyi fikirlərə politoloq Araz Əlizadə Ölkə.az-da münasibət bildirib.

Araz Əlizadə: "Putinin fikri ilə tamamilə razıyam. Bölgədə baş vernləri Türkiyənin iştirakı olmadan həll etmək olmaz, ancaq Azərbaycan Qarabağ məsələsini Rusiya istəsə də, istəməsə də, hərb meydanında həll edəcək. Stalinin gözəl bir nəzəriyyəsi var idi. Ədalətli müharibə həmişə qalib gəlir. Biz də ədalətli müharibə aparacağıq. Rusiyanın iqtisadi durumu ağırlaşacaq, amma Rusiya məhv olub getməyəcək. Bəzilərinin dediyi kimi Rusiya tezliklə dağılmayacaq. Əksinə 10 il sonra daha da güclənəcək. Rusiyanın bir müddət sonra Avropadan, Qərbdən heç bir asılılığı olmayacaq".

Səxavət Məmməd
Ölkə.az