İlham Əliyev bu gün MDB liderlərinin görüşündə iştirak edəcək

"Ölkə.Az" xəbər verir ki, toplantıda 2017-ci il üçün Rusiyanın MDB sədrliyinə yekun vurulacaq. Bundan başqa qurum çərçivəsində müxtəlif sahələr üzrə gələcəkdə qurulacaq əməkdaşlıq perspektivləri barədə fikir mübadiləsi aparılacaq.

Toplantıda Rusiyanı Vladimir Putin, Azərbaycanı İlham Əliyev, Belarusu Aleksandr Lukaşenko, Qazaxıstanı Nursultan Nazarbayev, Moldovanı İqor Dodon, Özbəkistanı Şövkət Mirziyoyev və Ermənistanı Serj Sərkisyan təmsil edəcək.

Türkmənistan prezidenti Berdiməhəmmədov isə görüşdə iştirak etməyəcək.

Hikmət Həsənov
Ölkə.Az