IV Xəzər Sammiti başladı

IV Xəzər Sammiti Həştərxanda öz işinə başlayıb

Bu barədə Kremlin rəsmi saytında qeyd edilib. Sammitdə bütün Xəzəryanı dövlətlərin başçıları - Rusiya prezidenti Vladimir Putin, Azərbaycan prezidenti İlham Əliyev, Qazaxıstan prezidenti Nursultan Nazarbayev, Türkmənistan prezidenti Qurbanqulu Berdiməhəmmədov, İran prezidenti Həsən Ruhani iştirak edir. 

"Xəzər beşliyi"nin iştirakçıları xüsusən, Xəzərin hüquqi statusu və regionda təhlükəsizlik məsələsini müzakirə edirlər. 

Qeyd edək ki, birinci Xəzər Sammiti 2002-ci ildə Aşqabadda, 5 il sonra Tehranda, daha sonra isə 2010-cu ildə Bakıda keçirilib. Həştərxanda keçirilən Sammitdən sonra görüşün keçirilməsi üçün estafet Qazaxıstana keçəcək./Anspress/

Ölkə.Az