Tural Abbaslı “Başqanın kim olmasının müsavatçı kimi mübarizəmizə heç bir aidiyyatı yoxdur”

Müsavat Partiyasının başqanlığına namizəd olan Tural Abbaslı Ölkə.az-a seçkilərin nəticəsini şərh edib.

Tural Abbaslı: “Biz namizədlər olaraq çox saya bilərik, az saya bilərik, ehtimallar, nəzəriyyələr irəli sürə bilərik, amma qutudan nə çıxır odur. Mən daha çox səs gözləyirdim, daha çox hesablamalarımız var idi, amma seçicilərin, qurultay nümayəndələrinin iradəsi belə oldu.

Mən qurultaydan öncə də qeyd etmişdim ki, biz müsavatçıyıq. Müsavat Partiyasında istər başqan kimi, istər siravi üzv kimi mübarizəmizi davam etdirəcəyik. Təbii ki, başqanın kim olduğunun müsavatçı kimi mübarizəmizə heç bir aidiyyatı yoxdur. Müsavatçıyam və mübarizəmə davam edəcəm.

Başqanlığa namizədlikdən əlavə də, məclisə və divana da namizədliyimi vermişdim. Bu gün məclisə keçirilən seçkilərin nəticələri məlum olacaq, daha sonra da divana keçirilən seçkilərin nəticəsi bilinəcək”.

Səxavət Məmməd

Ölkə.az