İsa Qəmbərin postu uğrunda 4 nəfər mübarizə aparır

Bu gün Müsavat Partiyasının VIII qurultayı öz işinə başlayır

İsa Qəmbərin postu uğrunda 4 nəfər mübarizə aparır. Arif Hacılı, Qubad İbadoğlu, Tural Abbaslı və Səxavət Əlisoy başqan olmaq iddiasındadır.

Qurultay 8 saat davam edəcək.

***

Müsavat Partiyasının 8-ci qurultayı Azərbaycan himni və Müsavat himni ilə öz işinə başlayıb. Partiya başqanı İsa Qəmbər bildirib ki, 587 qurultay nümayəndəsindən 400-dən çoxu qeydiyyatdan keçib.

***

İ.Qəmbər bildirib ki, Təşkilat Komitəsi təklif edir ki, sədarət heyətinin 2 sədri, 1 fəxri sədri olsun: "Fəxri sədr kimi Cəmil Ünal təklif olunur".

Səsvermə yolu ilə Cəmil Ünal fəxri sədr seçilib. Sədrlər isə Almaz Əliqızı və İsa Qəmbər seçilib.

***

Beş nəfər say komissiyasına seçildi.

***

Başqanın hesabatı, təşkilati işlər, seçkili orqanlara nümayəndələrin qeydə alınması gündəlikdə qəbul edilib.

Reqlament belə nəzərdə tutulub ki, ilk 1 saat başqan və qonaqlar çıxış etsin. Sonra 15 dəqiqə fasilədın sonra MNTK hesabatı olacaq. Bundan sonra cari məsələlərə baxılacaq. Başqan və MNTK seçkilərinin nəticələri bu gün qurultayda açıqlanacaq./Qafqazinfo/

Ölkə.Az