QHT sədri azadlıqda
Hüquq müdafiəçisi, “Demokratiya Yardım” İctimai Birliyinin rəhbəri Emil Məmmədov azadlığa buraxılıb
Bu barədə Oktay Gülalıyev məlumat yayıb. Onun sözlərinə görə, hüquq müdafiəçisi, artıq azadlıqdadır:
"Həbsdə olan siyasi məhbusların sayının biri azaldı. İnanıram ki, bu xəbər digər siyasi məhbusların azadlıq müjdəsi olacaq. Qoy Emil bəyin azadlığa çıxması həbsdə olan digər dostlarımız üçün sonun başlanğıcı olsun. Az öncə özü ilə danışdım. Hamıya salamları var".
Qeyd edək ki, bu ilin may ayında Salyan rayon Məhkəməsi hüquq müdafiəçisi Emil Məmmədov haqqında 3 aylıq həbs-qətimkan tədbiri seçmişdi. O, bir neçə vəzifəli şəxslərdən hədə-qorxu ilə pul tələb etməkdə ittiham olunurdu./Qafqazinfo/
Ölkə.Az
