Ziyafət Əsgərov: “Hüquqşünas 60 balı toplaya bilmirsə, bu, qeyri-ciddi məsələdir”

“Ölkə.Az” xəbər verir ki, bunu Milli Məclisin bu gün keçirilən plenar iclasında parlamentin Birinci vitse-spikeri Ziyafət Əsgərov bildirib.

Z.Əsgərov deyib ki, hakimlərin sayı ilə bağlı problem hələ də qalmaqdadır: 

“Bu istiqamətdə işlər gedir. Vəkillik insititutu ilə bağlı isə Avropa göstəricilərindən geriyik”.

Z.Əsgərov deputat Qüdrət Həsənquliyevin Vəkillər Kollegiyasına qəbulda keçid balının aşağı salınması təklifinə etiraz edib: “Azərbaycanda hüquqşünasların Vəkillər Kollegiyasına qəbulda nəzərdə tutulan balı 60-dan 50-yə endirsək, əminəm ki, deyəcəklər bunu daha da endirin, 40 bal olsun. Konstitusiyada yazılıb ki, əhaliyə keyfiyyətli hüquqi yardım göstərək. Keyfiyyətli hüquqi yardım göstərmək istəyən hüquqşünas 60 balı toplaya bilmirsə, bağışlayın, bu, qeyri-ciddi məsələdir. Axı o balı toplamaq çətin deyil. Bütün buna baxmayaraq, bu sahədə işlər gedir, dövlətin nəzarətindədir. Yaxın vaxtlarda bu sahədə ciddi irəiləyişlər olacaq”.

Vasif Həsənli
Ölkə.Az