Niyaməddin Orduxanlı 4-cü dəfə qalib gəldi

"Bir daha BAXCP-yə və mənə 15 ildir sözün həqiqi mənasında böyük dəstək olan Mehdiabad qəsəbəsinin bütün sakinlərinə dərin təşəkkürümü bildirirəm. Bu gün seçki bitib, ancaq mən elə bu gündən seçkiyə hazırlaşıram. 2015-ci il parlament seçkilərində BAXCP-nin namizədi olacam"

BAXCP sədrinin ictimai və siyasi məsələr üzrə müavini, bələdiyyə namizəd Niyaməddin Orduxanlı 4 dəfə bələdiyyə üzvü seçilib. Bununla bağlı mətbuata acıqlama verən Niyaməddin Orduxanlı bildirib ki, artıq Mərkəzi Seçki Komissiyası rəsmi nəticələri acıqlayıb: "Artıq MSK rəsmi nəticələri acıqlayıb və mən dördüncü dəfə Abşeron rayonun Mehdiabad qəsəbəsindən bələdiyyə üzvü seçilmişəm. İlk dəfə 1999-cu ildə 21 yaşımda seçilmişdim. 2004-də bələdiyyə sədrinin müavini vəzifəsinə seçilmişdim. 2009-cu ildən indiyə qədər Hüquq komisiyasının sədri kimi çalışdım. Bu səfər də seçki çox aktiv şəraitdə keçdi. Mehdibad qəsəbəsinin 25 000 yaxın əhalisi, 6000 seçicisi var. Bu səfər 42 namizəd 13 yer uğrunda mübarizə aparırdı. Hakim YAP-ın nümayəndləri ilə yanaşı, müxalifət partiyalarının nümayəndləri, bitərəf şəxslər də seçkiyə qatılmışdı. Bu seçki də həm də onunla yadda qaldı ki, xeyli sayda xanımların namizədliyini irəli sürülməsi müşahidə edildi. Rəsmi nəticələrdən də görünür ki, 13 nəfərin 5-ni xanımlar tutub. Və bu sevindirci haldır ki, yerliözüniüdaretmə də bundan sonra xanımların da aktivliyi müşahidə ediləcək. Yeni seçilənlər arasında YAP namizədi, keçmiş bələdiyyə sədri Əbülfət Nuriyev də var. Mən bu səfər də onun yenidən Mehdibad bələdiyyəsinə sədr seçilməsinə səs verəcəm. Bu insan həqiqətən də buna lqyiqdir. Bir daha BAXCP-yə və mənə 15 ildir sözün həqiqi mənasında böyük dəstək olan Mehdiabad qəsəbəsinin bütün sakinlərinə dərin təşəkkürümü bildirirəm. Bu gün seçki bitib, ancaq mən elə bu gündən seçkiyə hazırlaşıram. 2015-ci il parlament seçkilərində BAXCP-nin namizədi olacam"

Ölkə.Az