Rusiyalı deputat: "Kaliforniya rus torpağıdır"
Rusiya Dumasının Elm üzrə komitə sədr müavini və deputat Mixail Deqtaryov Kaliforniyanın ABŞ tərkibində olmasının qanuniliyinə şübhə ilə yanaşıb.
Ölkə.Az Rusiya KİV-nə istinadən xəbər verir ki, Rusiya XİN-ə göndərilən sorğuda parlamentari Fort-Ross adlı keçmiş rus məskəninin statusunun dəqiqləşdirilməsini tələb edib.
"Amerikalıların dövlət quruculuğu sahəsindəki tarixi qətl, soyğunçuluq və terrordan ibarətdir. Biz ruslar olaraq sadəcə qanuni şəkildə öz torpaqlarımız müqabilində pulları tələb edirik. Lakin biz amerikalıların sıxışdırdıqları hindular deyilik. Fort-Ross Rusiyaya məxsusdur və onun satılması haqqında saziş qaranlıq məqamlarla doludur.
Deqtaryovun sözlərinə görə, Rusiya bu torpaqları qaytararaq orada "İsgəndər" sistemini yerləşdirməlidir.
"Analizə ehtiyacı olan növbəti saziş Alyaska ilə bağlı vəziyyətdir", - deyə parlamentari qeyd edib.
Rusiya XİN deputatın sorğusunu qəbul edib və 30 gün ərzində baxıldıqdan sonra cavab verəcək.
Rəşid Mustafazadə
Ölkə.Az
