Mətn ölçüsü:
  • 100%

İsa Qəmbərin vida konfransı

İsa Qəmbər partiya sədri olaraq sonuncu mətbuat konfransını keçirdi

Bu gün Müsavat Partiyasının mərkəzi qərargahında baş tutan mətbuat konfransında partiya sədri İsa Qəmbərin sonuncu mətbuat konfransı keçirilib. Ölkə.az xəbər veriri ki, mətbuat konfransında partiya sədri sabah keçiriləcək Müsavatın VIII qurultayı ilə bağlı jurnalistlərin suallarını cavablandırıb. 

“Mən hesab edirəm ki, məndən sonra seçiləcək başqan yüksək səviyyədə partiya idarəçiliyi aparacaq, biz də ona tam şəkildə dəstək verəcəyik”

“Sabahkı qurultay “Müsavat” üçün çox önəmli bir hadisə olacaq. Bu partiyamızın daxilində keçiriləcək 8-ci qurultaydır. Sabahkı qurultayda partiyanın ötən qurultaydan bu vaxta qədər fəaliyyəti müzakirə ediləcək. Bütövlükdə partiyanın fəaliyyəti qiymətləndiriləcək. Partiyanın yaxın dövr üçün fəaliyyət imkanlarına bir daha baxılacaq, qərarlar veriləcək. 

Açıq aydın görünür ki, qurultayımız cəmiyyətin maraq dairəsindədir. Qurultayı maraqlı edən hadisələrdən ən əhəmiyyətlisi isə qurultayda seçiləcək seçkilərdir. Müsavat partiyasında hər zaman azad və ədalətli seçkilər keçirilib. Bəlkə də Müsavat ölkədə nadir partiyalardandır ki, səs vermələr gizli səsvermə yolu ilə keçirilir. Son illər ümumiyyətlə, bu sahədə ciddi dəyişiklərə getdik. Başqa quruluşlarda, təşkilatlarda olduğu kimi namizədlər iclasların, qurultayların gedişində seçilmədi. Bizdə namizədlərin müəyyən edilməsi üçün hər kəsə öncədən zaman tanındı və həqiqi bir seçki mühiti yaradıldı. Bu “Müsavat”ın ənənəsidir. Seçimlər medianın, gündəmin əsas mövzularından birinə çevrilib. Bu isə sevindirici haldır”. 

Daha sonra İsa Qımbər mətbuat konfransında digər namizədlərin iştirak etməməsinə partiya sədri kimi münasibət bildirib ki, onların hər hansı bir konfransda iştirak etmək kimi öhdəlikləri yoxdur. 

Yenidən başqanlığa namizədliyini verib- erməyəcəyi barədə danışan partiya sədri hər şeyin “Müsavat”ın nizamnaməsinə uyğun şəkildə həyata keçiriləcəyini bildirib.

“Mən hesab edirəm ki, məndən sonra seçiləcək başqan yüksək səviyyədə partiya idarəçiliyi aparacaq, biz də ona tam şəkildə dəstək verəcəyik və bizim yenidən “Müsavat” başqanlığına iddia etməyimizə gərək qalmayacaq. Mən belə hesab edirəm ki, mənim başqanlıqdan çəkilməyim daha sərbəst, daha rahat şəkildə ümumi proseslərdə yaxından iştirak etməyimə səbəb olacaq”.

Qurultayda Ankaradakı Azərbaycan Kültür Dərnəyinin rəhbəri Cəmil Ünal da iştirak edib. O, İsa Qəmbərdən sonra söz alaraq deyib:

“Seçim bir nəticə deyil, partiyaçılıqda seçim bir mərhələnin başlanğıcıdır. İsa bəyin bu hərəkətı böyük bir hadisədir. Böyük bir ehtiyyac duyulan bir zamanda İsa bəy çoxlarına örnək olacaq hadisəni həyata keçirdi. Bu bölgədə “stolundan” rahat-rahat imtina edən insanlarla qarşılaşmadım. Amma İsa bəyin bu hərəkəti bizə, Azərbaycan siyasətində örnək olacaq bir addımdır. “Müsavat bu millətin həm tarixidir, həm də tarixdir. Bu coğrafiyada siyasət yürütmək, partiya idarə etmək iş asan deyil və 25 ilə yaxın bir zaman içərisində İsa bəy Məhəmməd Əmin Rəsulzadədən miras qalan “Müsavat” partiyasını heç bir ləkə sürmədən, tər-təmiz bu günə qədər gətirib çıxardı. Düşünürəm ki, bundan sonra da müsavatçılar İsa bəyə sahiblənəcək. Seçim bir nəticə deyil, partiyaçılıqda seçim bir etabın başlanğıcı deməkdir”, deyə Cəmil Ünal əlavə edib.

Müsavatın yeni qurultayında iştirak etməsindən qurur duyan İsa Yaşar isə bunun bütün müsavatçılar üçün xeyirli-uğurlu olmasını arzu edib.

Qeyd edək ki, İsa Qəmbər 1992-ci ildən Müsavat Partiyasının başqanıdır.

Ölkə.az