Poroşenko strategiyasını açıqladı
Ukrayna 2020-ci ildə Avropa İttifaqına daxil olmaq üçün ərizə verəcək
Ölkə.Az «РБК-Украина»-ya istinadən xəbər verir ki, Poroşenko Ukraynanın 2020-ci ildə İttifaqa üzvlüyü ilə bağlı müraciət edəcək.
Ölkə başçısı yaxın zamanda həyata keçirməyi planlaşdırdığı "Strategiya - 2020" adlı islahatlar proqramını hazırlayıb.
"Bu proqrama daxil olan 60 islahat, xüsusi proqramın reallaşdırılması Ukraynanın 6 ildən sonra Avropa İttifaqına müraciət etməsinə kömək edəcək", - deyə Poroşenko bildirib.
Bu proqramın təqdimatı bu günə nəzərdə tutulub.
Xatırladaq ki, Poroşenko bir müddət əvvəl bəyan etmişdi ki, artıq 2020-ci ildə Ukrayna Aİ üzvü olmalıdır.
“Strategiyamızın hədəfində 2020-ci ildə Ukraynanın AB-yə üzv olmasıdır. Dünyada Ukraynanın nüfuzu hələ heç vaxt belə çox olmayıb. Bu günə kimi Ukrayna bütün dünyanı özünə kömək etmək üçün mobilləşdirə bilməmişdi”, - deyə Poroşenko bildirib.
Rəşid Mustafazadə
Ölkə.Az
