Aydın Mirzəzadə: "Ermənistan lideri növbəti dəfə dünya ictimaiyyətini aldatmağa çalışdı"

"Ermənistan dövlət başçısının çıxışında əvvəlki tezisi unudaraq Türkiyəni onu sevməyə dəvət etməsi siyasi riyakarlığın ən bariz nümunəsi hesab edilə bilər"

Ölkə.Az xəbər verir ki, bu fikirləri Milli Məclisin deputatı Aydın Mirzəzadə Ermənistanın prezidenti Serj Sarqsyanın BMT Baş Məclisinin 69-cu sessiyasındakı çıxışına münasibət bildirərkən deyib.

Aydın Mirzəzadə öz Facebook hesabında Sarqsyanın çıxışını tənqid edib.

"Sarqsyan yenə də uydurma”erməni soyqırımını” müzakirə mövzusuna çevirməyə və Türkiyəni əsassız yerə ittiham etməyə başladı. Hansı ki, Türkiyənin arxivləri açmaq təklifinə rəsmi Yerevan rədd cavabı verdi və birinci dünya müharibəsində erməni hərbi birləşmələrinin Osmanlı türk kəndlərinin yüz minlərlə dinc əhalisini qətlə yetirməsi isə tarixin inkar edilməyən səhifələrindədndir. Həmçinin Sarqsyan Osmanlı İmperiyasının 1912-1915-ci illərdə maliyyə nazirinin və xaricdəki səfirlərinin 24-nün erməni millətindən olmasını yada salmaq istəmir", - deyə deputat bildirib.

Sarqsyanın Dağlıq Qarabağ münaqişəsi barədə həqiqətləri söyləməməsini pisləyən deputat hesab edir ki, Ermənistan prezidenti müdafiə naziri olduğu dövrdə Azərbaycan torpaqlarının 20 faizin işğal etməklərindən, Xocalı soyqırımını törətməklərindən, 1,2 milyon Azərbaycan vətəndaşını öz torpaqlarından qaçqına çevirməklərindən heç söz etməyib.

"Beləliklə Ermənistan lideri növbəti dəfə dünya ictimaiyyətini aldatmağa çalışdı. Hesab etdi ki, bununla da erməni xalqının gündəlik qayğılarını suallarından yayındıra biləcək. Ermənistan əhalisinin onun yarıtmaz siyasətinin nəticəsində hər il kütlələr şəklində ölkəni tərk etməsinin, əhalinin 30 %-nin yoxsulluq həddindən aşağı yaşamasının, Ermənistanda baş alıb gedən korrupsiyanın isə sanki ona heç bir dəxli yoxmuş kimi BMT tribunasından riyakarcasına çıxış etməsi heyrət vericidir"- deyə Aydın Mirzəzadə sözlərinə əlavə edib.

Rəşid Mustafazadə

Ölkə.Az