Misirdən Ərdoğana sərt cavab

Ölkə.Az xəbər verir ki, Misir hökuməti Ərdoğanın BMT-nin Baş Asambleyasındakı çıxışına kəskin reaksiya verib.

Türkiyə prezidenti Assambleyadakı çıxışında Misirin hazırki dövlət başçısı Abdel Fəttah Əs-Sisinin hakimiyyətini şübhə altına alıb.

Xatırladaq ki, Ərdoğan Misirin başçılığında 2013-cü ilin iyulunda ordu tərəfindən devrilmiş Məhəmməd Mursini görmək istəyirdi. Məhəmməd Mursi "Müsəlman qardaşlar" partiyası adından ölkəni idarə edirdi.

Çıxışı zamanı Ərdoğan qeyd edib ki, İraq və Suriyadakı ölümlərə, habelə Misirdə demokratiyanın "öldürülməsinə" qarşı çıxış edənlər əsassız itihamlar, o cümlədən terrora dəstək verməkdə günahlandırılır.

O, BMT və qərb ölkələrini Misirdə zorla qanuni seçilmiş prezidentin devrilməsinə təpki göstərməməkdə günahlandırıb.

Buna cavab olaraq Misirin xarici işlər nazirliyi bəyan edib ki, Türkiyə prezidenti təbii olaraq yaxın şərqdə xaos oyadan və terrorçu təşkilatlara dəstək verən insana xas yalan yaymaqla məşğuldur.