İngiltərə ilə İran arasında tarixi görüş

1979-ci ildən bu yana ilk dəfə olaraq İngiltərənin Baş naziri İran prezidenti ilə görüşdü.

Ölkə.Az xəbər verir ki, İngiltərənin Baş naziri Devid Kemeron İran prezidenti Həsən Ruhani ilə bir araya gəlib. 

Nyu Yorkdakı Birləşmiş Millətlər Təşkilatının Baş Assambleyası çərçivəsində keçirilən Kemeron-Ruhani görüşü tarixi əhəmiyyətə malikdir. Görüş 1979 İran İslam inqilabından sonra İngiltərə Baş nazirinin İran prezidenti ilə etdiyi ilk görüş sayılır.

İngiltərə baş nazirliyində görüşlə bağlı şərh verilməyib. Kemeron Ruhanidən İranın İŞİDə qarşı mübarizəyə qatılması ilə yanaşı Əsəd rejiminə dəstək verməkdən imtina etməsini istəyib.

Rəşid Mustafazadə

Ölkə.Az