Vurğun Əyyub Məclisdən çıxarılır

Bu gün Müsavat Partiyasının Məclisinin iclası başlayıb.

Ölkə.Az musavat.com-a istinadən xəbər verir ki, iclasda Müsavatın Məclis sədrliyinə, Məclis üzvlüyünə, Divana seçkilər keçiriləcək. Çıxış edən Müsavat başqanı Arif Hacılı bildirib ki, qarşıdan Dünya Azərbaycanlılarının Həmrəyliyi Günü və yeni il gəlir. “Dünya Azərbaycanlılarının Həmrəyliyi Gününün tarixi Azərbaycan xalq hərəkatı ilə bağlıdır. Bu günün dünya azərbaycanlılarının həmrəylik günü olması bilavasitə bizimlə bağlıdır. Bu fikir Əbülfəz Elçibəyə məxsusdur. Biz də Milli Şuranın üzvü kimi buna səs vermişik”,- deyə o, qeyd edib. Həmçinin təqvim ilinin başa çatdığını xatırladan A.Hacılı bu ilin Müsavat Partiyasının tarixində də önəmli yer tutduğunu vurğulayıb. Bundan sonra iclas Müsavatın himninin oxunması ilə açıq elan edilib.

Müsavat Məclisinin sədrliyinə namizədliyini irəli sürmüş Bakı Dövlət Universitetinin dosenti Sabir Məmmədli “seçki prosesində ictimai-siyasi prinsiplərin pozulması”nı səbəb göstərərək namizədliyini geri götürüb. Bunun nəticəsində sədrliyə digər namizəd- Nüşabə Sadıqlı alternativsiz qalıb.

A.Hacılı həmçinin vurğulayıb ki, Məclis üzvü Vurğun Əyyub Məclisin işində iştirak etmir və səbəb kimi qurumun legitim olmadığını bildirib. O, bu səbəbdən V.Əyyubun Məclis üzvlüyü siyahısından çıxarılmasını təklif edib. Əksəriyyət yerdən onun fikrini dəstəkləyib. Məclis üzvü Yusif Mehdiyev isə bildirib ki, əvvəlcə reqlamenti təsdiqləmək də neçə iclasda iştirak etməyən şəxsin məsələsinin müzakirəyə çıxarılmasını aydınlaşdırmaq lazımdır: “Bu, təsdiq edilməyib, ona görə Vurğun Əyyubla bağlı məsələni müzakirə etmək tezdir”.

Ölkə.Az