Hizbullah: "Bu dünyadakı terrorizmin əsas mənbəyi və anası ABŞ-dır "

Ölkə.Az xəbər verir ki, qruplaşma lideri Həsən Nəsrullah bunun səbəblərini "Dünyadakı terrorizmin təməl qaynağı ABŞ-dır" sözləriylə əsaslandırıb.

Nəsrullah televiziya kanallarının birində yayımlanan çıxışında  Livanın ABŞ tərəfindən qurulan koalisiyada iştirak etmək istəmədiklərini ifadə edib. 

"Hər kəs bizim bölgənin xalqlarını təhdid edən, öldürən, baş kəsən İŞİD və bənzəri təkfirçi təşkilatlara qarşı olduğumuzu bilir, ancaq biz prinsipial olaraq söyləyirik ki, əgər bu Suriyaya lazımdırsa təkfirçi təşkilatlar olsa belə, xarici müdaxiləyə qarşıyıq", - deyə lider bildirib.

"Bu dünyadakı terrorizmin əsas mənbəyi və anası ABŞ-dır. ABŞ, Sionist terror dövlətinin də ən böyük dəstəkçisidir. Bu səbəbdən ABŞ-ın terrora qarşı bir koalisiyanın başında iştirak etməsi qeyri-əxlaqidir. Biz də belə bir koalisiyada yer ala bilmərik", - ifadələrini səslədirən Nəsrullah ABŞa qarşı olduğunu söyləyib.