Fransalı senator erməni təcavüzünü qəbul etdi

"Dağlıq Qarabağ Ermənistan tərəfindən zəbt olunub, Krım isə öz müstəqilliyini istəyib".

Ölkə.Az bildirir ki, bu sözləri eunews.az portalına müsahibə verən Jers departamentinin senatoru, Fransa Senatında maliyyə komissiyasının vitse-prezidenti və Avropa məsələləri üzrə komissiyanın üzvü Aymeri de Monteskyu d`Artanyan (Aymeri de Montesquiou d`Artagnan) deyib.

O bu sözləri Krımın ilhaqı, Azərbaycanın Dağlıq Qarabağ və ətraf ərazilərinin erməni separatçıları tərəfindən hələ də işğal altında saxlanıldığına Fransa senatının reaksiyası arasında fərqi soruşduqda bildirib.

“Düşünürəm ki, bu iki məsələ arasında böyük tarixi fərqlər mövcuddur. Dağlıq Qarabağ tarixən Azərbaycana aid olub, Krım isə ruslara. Hər iki problem olduqca fərqlidir. Dağlıq Qarabağ Ermənistan tərəfindən zəbt olunub, Krım isə öz müstəqilliyini istəyib”- deyə d`Artanyan bildirib.

Bundan əlavə Ukrayna böhranından da danışan diplomat “Ukraynada ölkənin kimliyini qoruyaraq, bəzi ərazilərə muxtariyyət və bəzi qərarları qəbul etmə hüququ verilməlidir”- deyə mövqe göstərib.

Ölkə.Az